Pogadirelo Ranga

ಪೋಗಾದಿರೆಲೋ ರಂಗಾ

ಪೋಗಾದಿರೆಲೋ ರಂಗ ಬಾಗಿಲಿಂದಾಚೆ
ಪೋಗಾದಿರೆಲೋ ರಂಗ
ಭಾಗವತರು ಕಂಡು
ಭಾಗವತರು ಕಂಡು ಎತ್ತಿಕೊಂಡೊಯ್ವರು
ಪೋಗಾದಿರೆಲೋ ರಂಗಾ

ಸುರಮುನಿಗಳು ತಮ್ಮ ಹೃದಯ ಕಮಲದಲ್ಲಿ
ಸುರಮುನಿಗಳು ತಮ್ಮ ಹೃದಯ ಕಮಲದಲ್ಲಿ
ಪರಮಾತ್ಮನ ಕಾಣದೆ ಅರಸುವರು
ದೊರಕದ ವಸ್ತುವು ದೊರಕಿತು ತಮಗೆಂದು
ದೊರಕದ ವಸ್ತುವು ದೊರಕಿತು ತಮಗೆಂದು
ಹರುಷದಿಂದಲಿ ನಿನ್ನ ಕರದೆತ್ತಿಕೊಂಬುವರು

ಪೋಗಾದಿರೆಲೋ ರಂಗಾ

ಅಗಣಿತಗುಣ ನಿನ್ನ ಜಗದ ನಾರಿಯರೆಲ್ಲ
ಅಗಣಿತಗುಣ ನಿನ್ನ ಜಗದ ನಾರಿಯರೆಲ್ಲ
ಹಗೆಯಾಗಿ ನುಡಿದರು ಗೋಪಾಲನೆ
ಮಗುಗಳ ಮಾಣಿಕ್ಯ ತಗಲೀತು ಕರಕೆಂದು
ಬೇಗಾದಿಂದಲಿ ಬಂದು ಬಿಗಿದಪ್ಪಿಕೊಂಬುವರು

ಪೋಗಾದಿರೆಲೋ ರಂಗಾ

ಇತ್ತ ನಾರಿಯರೆಲ್ಲ ಇಷ್ಟವಾ ಸಲ್ಲಿಸೆಂದು
ಇತ್ತ ನಾರಿಯರೆಲ್ಲ ಇಷ್ಟವಾ ಸಲ್ಲಿಸೆಂದು
ಅಟ್ಟಟ್ಟಿ ಬೆನ್ನಟ್ಟಿ ತಿರುಗುವರೋ
ಅಟ್ಟಟ್ಟಿ ಬೆನ್ನಟ್ಟಿ ತಿರುಗುವರೋ
ಸೃಷ್ಟೀಶ ಪುರಂದರ ವಿಠ್ಠಲರಾಯನೆ
ಸೃಷ್ಟೀಶ ಪುರಂದರ ವಿಠ್ಠಲರಾಯನೆ
ಇಷ್ಟಿಷ್ಟು ಬೆಣ್ಣೆಯ ಕೊಟ್ಟೆನು ರಂಗಯ್ಯ

ಪೋಗಾದಿರೆಲೋ ರಂಗ ಬಾಗಿಲಿಂದಾಚೆ
ಪೋಗಾದಿರೆಲೋ ರಂಗಾ