Текст песни Akeed Rag3een - Hamza Namira

زعلان ليه من اللي ساب
ولا اللي فجأة إتغيروا
يا اللي قلبك إزاز والكلمة بتكسره
مهما يطول الغياب بتقول مسيرهم يظهروا
أصل العزاز عزاز حتى لو قصروا
مساكين والله عشمانين
على الأمل عايشين
ومع الأسف حاسين بناس
وهما مش حاسين
وتروح وتيجي سنين وإنتوا مستنيين
ومافيش جديد ولا في خبر جالك
ولسة القلب بيقولك أكيد راجعين

كل اللي حلمت بيه يا قلبي بقلوب تنصفك
ياما مديت إيديك وإيديهم تكسفك
إديت أجمل ما فيك عشمان وعشمك كلفك
مابقاش القرب واحشك قد ما بيخوفك
مساكين والله عشمانين
على الأمل عايشين
ومع الأسف حاسين بناس
وهما مش حاسين
وتروح وتيجي سنين وإنتوا مستنيين
ومافيش جديد ولا في خبر جالك
ولسه القلب بيقولك أكيد راجعين