Текст песни El Kessa Welly Kan - Hamza Namira

دي القصة واللي كان
اتنين حبوا زمان
تفتكروا الحب كمل؟
ولا مع الوقت هان؟
القصة واللي كان
اتنين حبوا زمان
تفتكروا الحب كمل؟
ولا مع الوقت هان؟
هو كان قلبه خام
و ُقليل ف الكلام
لسه صغير لكنه
مليان وحدة وآلام
هي زينة البنات
بضفيرة وفيونكات
ولا تعرف يعني ايه
حب ولهفة وغرام
وقابلها ف مرة صدفة
اتبرجل لما شافها
ابتسمت بان كسوفها
إحساس خطفه وخطفها
ده يومين وهتنساها مش ده الحب اللي يعيش
إنسيه دي قلوبكم لسه بريئة ما بتحبيش
ده كلام من أقرب ناس لما حكولهم سمعوه
والحب مكنش بإيدهم يعني عشان ينسوه
بيشوفها مكان ميروح
في خياله ومش بتروح
من شكله هتعرف إنه
حيران قلبه ومجروح
هي قلبها مكسور
ووحشها ومش بتقول
مش عارفه هتنساه ولاّ
وجع القلب ده هيطول؟
وقابلها ف مرة صدفة
دمع أول ما شافها
باين ف عينيها خوفها
وفيه بينهم ألف سور
ده يومين وهتنساها مش ده الحب اللي يعيش
إنسيه دي قلوبكم لسه بريئة مبتحبيش
أيام عدت ما نسوش من وقت ما قالوا سلام
عمر القلب اللي يحب ما يرجع زي ما كان
القصة واللي كان
اتنين حبوا زمان
وجعوا قلوبهم عشان حبوا قبل الآوان
القصة واللي كان
اتنين حبوا زمان
وجعوا قلوبهم عشان حبوا قبل الآوان