Текст песни Cabernet Boys - Herman Medrano

Xe do dì che no riposo, e in pi so rabioso
So qua che ghe ragiono, ghe ragiono

Xe do dì che no riposo e in pi so rabioso
So qua che ghe ragiono, voria el me raboso
Ai tenpi in cui sta porcarìa no a gavaria bevùa
Quando ancora el vin se faxeva soeo co eà ua
In giro xente strana, el vin eò varda e eò nasa
El sa da questo e quéo ma el costa fa na casa
Chi casso se ne ciava, eà xe tuta na cassada
Magno roba de casada e bevo vegna inbutiliada
Uno, do e tre, quatro, sincue, sié
7-8-9-10 e fin quando che ghe n'é
Un passo a xe na tonboea te par de stare in gondoea
Rivo casa co na torboea, ma co na torboea
E chi missia bianco e rosso no ga capìo un casso
Ragasso, te ghe ciapà davero un bruto andasso
Da qua mi no me also porta naltro butilion
Co so stufo vago casa e scrivo na canson

La la la, la, Cabernet boys
La la la, la, 'ndemo fora co i fioi
La la la, la, semo xente de grado
A domenega matina serve pa smaltire el sabo
La la la, la, fin che vago in alto
La la la, la, fin che resto balbo
La la la, la, co i gumi sol banco
Se morirò doman almanco che me beva un bianco

Fame saiare quéo, e un iosso anca de quéo
Co i oci vedo el cieo destirà come un tapéo
I xe uno drio che altro che te assa un fià a tocheti
Fra na briscoea, na scoa e na partia de trionfeti
E a l'età dea Cinqueti no xe difissie
Mai viste robe simie? Go visto serte simie
Do passi, no te a passa, do giri dea piassa
Tiri che te spiassa e in finae mal de pansa
Potresti limitarti? Tuo padre cosa dice?
Casa mia beve acqua soeo che eà lavatrice
Xe rossi nasi e lavari, bianchi da cadaveri
Varda basso e sta tento che no te te insgalmari
Co poco te esageri, mae eà testa che sotera
El coera e un fià che ferma na coriera
Voemo queo bon, miga tocio de carton
E col xe finìo canto eà soita canson

La la la, la, Cabernet boys
La la la, la, 'ndemo fora co i fioi
La la la, la, semo xente de grado
A domenega matina serve pa smaltire el sabo
La la la, la, fin che vago in alto
La la la, la, fin che resto balbo
La la la, la, co i gumi sol banco
Se morirò doman almanco che me beva un bianco

Conossevo un tipo che beveva minerae
Rivo proprio giusto desso dal so funerae
Mi no so Hilander e no rivarò distante
El vin te fa sangue, eà acqua fa tremare e ganbe
Un dì si e dì anca el fegato se agna
Cossa vuto che te diga, l'unica magagna
Vedo mostri in giro come a note de Halloween
Vago vanti a Aulin, cafelate e Bauli
Giovinessa sui banchi e dai banchi ai branchi
A desfarse i bronchi e el fegato co i bianchi
I veci che te spinxe: sito omo? Bevi un goto
Bevi ti che bevo mi, finché no me incapoto
Daghe eà piena, saja questa, butaghene naltra
Forsa qua finché no canto come Frank Sinatra
Miracoi che camina, noti poco magiche
Parlemo de butillie? No, misuremo a taniche

La la la, la, Cabernet boys
La la la, la, 'ndemo fora co i fioi
La la la, la, semo xente de grado
A domenega matina serve pa smaltire el sabo
La la la, la, fin che vago in alto
La la la, la, fin che resto balbo
La la la, la, co i gumi sol banco
Se morirò doman almanco che me beva un bianco

Proseco, Raboso, Tocai o Merlot
Torcoeato, Recioto, Cabernet o Pinot
Na volta queste jera e bibite del popoeo
Desso a 10 euro no te conpri gnanca el stropoeo
Eh, zio ken, so arso, 'ndemo bevare un iosso, va là