Ham kumman

I schau' zu, wie der Wind übers Land umme waat
Wie er spült mit die Blattln am Bam
Wie der Bauer am Feld seine Kerndln verstraat
Und jetzt lach' i, weil do bin i daham

Ab und zu hab' i's G'fühl, i muass auf und davon
Doch am schönsten is immer, wann i hamkumman kann

Und i sieh, wie der Nebel übern Wald drüberkriecht
Wie a Deck'n liegt da drauf auf'm See
Daham in der Kuchl brennt a ganz a klans Liacht
Und i riech' schon den Herbst und den Schnee

Fahr' i amol furt, kommt a Frag in mein' Sinn
Wie schön war's doch immer, wann i hamkumman bin

Hör' a Liad aus der Stub'n und mei Herz wird ganz schwer
Weil i kenn's, i hab's schon lang nimmer g'hört
I bleib' steh'n und da kommt a Gedanken daher
Der tiaf drin is und daham bleiben werd'
I bleib' steh'n und da kommt a Gedanken daher
Der tiaf drin is und daham bleiben werd'