Текст песни Sing mit mir! (Live & akustisch) - Höhner

Mit Musik do es alles leichter.
Als Pänz, allein im dunkle Wald,
Han mir jepfiffe' un jesunge
Un kei' Jespenst hätt uns jekrallt!

Mit veezehn – fuffzehn dann em Schwimmbad.
Ein Jittar – alle drömereröm.
Bob Dylan un e bessje Beach Boys,
Mundorjel oder kölsche Tön.

Sing mit mir e Leed, en Melodie.
Kumm sing mit mir e Leed, voll Harmonie.
Jo sing mit mir e Leed, weil et uns dann besser jeiht.

Mit Musik do es alles besser.
Ne Daach es koot – die Naach weed lang.
Em Radio ding Lieblingsleeder
Un du wees jode Laune han.

Mit Musik löss' sich besser fiere.
Kein Huhzigg ohne Chorjesang.
Kei' Foßballspill - wenn dann et Tor fällt
Un et singe allemann.

Sing mit mir e Leed, en Melodie.
Kumm sing mit mir e Leed, voll Harmonie.
Jo sing mit mir e Leed, weil et uns dann besser jeiht.

Sing mit mir e Leed, in moll un Dur.
Kumm sing mit mir e Leed, dat eine nur.
Jo sing mit mir e Leed, bes die Welt sich öm uns drieht.

Mit Musik is die Welt jet schöner.
Et deiht sich jet – wemmer se hürt.
Mit Musik kammer jet bewäje,
Wenn e Leed di Hätz berührt.

Sing mit mir e Leed, en Melodie.
Kumm sing mit mir e Leed, voll Harmonie.
Jo sing mit mir e Leed, weil et uns dann besser jeiht.

Sing mit mir e Leed, in moll un Dur.
Kumm sing mit mir e Leed, dat eine nur.
Jo sing mit mir e Leed, bes die Welt sich öm uns drieht.