Aɣrib

Iḥḍered rrwaḥ anruḥ
Tabalizt ger ifassen
Qqimet a leḥbab di slama
A widak i ɣ-iḥemlen
Ma tella teɣzi n leεmer
Ad nuɣal ɣer da ɣur-wen
Ma yella wanda i ɣ-teččur
Smaḥ deg ulawen

Ruḥ nekkni nqeld-ak lehna
Abrid ik-yehwan tawiḍ-ṭ
Ma trebḥeḍ nerbeḥ merra
Ma teɣliḍ ssmaḥ tewwiḍ-ṭ

Wwḍeɣ ɣer lɣeba ɣelṭeɣ
Mačči akken i tt-walant wallen-iw
Ɣilleɣ am ṛṛunda ad qemmreɣ
Jebdeɣ teɣli-d tewriqt-iw
Ussan leḥḥun nekk ɣefleɣ
Wten-iyi ṛẓan ifadden-iw
Imi d ddunit sewqeɣ
Ma ccḍeɣ ddnub i yiri-w

Mreḥba s wayen i d-tewwiḍ
A ma yelha ma diri-t
Ma teɣliḍ ɣellin wiyaḍ
Nekkni nṣer-ak tameddit

Mreḥba s wayen i d-tewwiḍ
A ma yelha ma diri-t
Ma teɣliḍ ɣellin wiyaḍ
Nekkni nṣer-ak tameddit