Текст песни 'Ngazzate nire - live - James Senese

I' nun ce 'a faccio proprio cchiù
Cu' chesta musica int'a via
Tutt'e parole bla bla bla
Ma poi sta musica addo' stà
Mi scenne 'o latte int'a' ginocchi
Cu' sti toscani e Jovannotti
Saranno pure brava gente
Ma fanno 'a musica fetente ...

Me fanne schife sempe e cchiù
E' conferènze ind'a tivù
Tra chi a vò janche e chi a vò nere
Fernìsce sempe zero a zero
Songhe 'na bestia, 'n ignorante,
Fra sti capocchie altisonanti
Forse stò fore, ie songo pazzo,
Ma vuje m'avite rutte o' cazzo
Sò 'ngazzate, sò 'ngazzate, sò 'ngazzate nire
Sò 'ngazzate, sò 'ngazzate, sò 'ngazzate nire
Sò 'ngazzate, sò 'ngazzate, sò 'ngazzate nire...

(Pausa). Chi è potente, giallo o niro,
Tene o' core chin'e pile
E chesta chiesa è 'na ruffiana,
A chi cumanne allecca 'e mane
Chi arrobba mò fà cchiù attenzione,
Ma é sèmp'a solita canzone
S'è fatte furbo e intelliggente
E quanne arrobbe mett'e guante...

Sò 'ngazzate, sò 'ngazzate, sò 'ngazzate nire
Sò 'ngazzate, sò 'ngazzate, sò 'ngazzate nire
Sò 'ngazzate, sò 'ngazzate, sò 'ngazzate nire... (Pausa).

Cumm'è bella Margellina,
Dint'a nott'e ttrè a matina
Mentre sotto a 'na stazione
Hanno sparate a 'nu barbone
Chesta Napule scassata,
Campa sempe alla giornata
Che vota a chi ce rompe ll'osse,
A chi a' rapina scava a fossa
E chesta Napule riccona,
Ca dorme, snobba e fà a padrona
Ce o' dico, u penso overamente:
"Site a sfaccimme e tutt'a gente"... (Strumentale).

Io so' nate 'ngopp'a terra,
Pe' fà ammore e nun fà a guerra
Ma oggne jurne ch'aggia fà
Pe' nun me fà cchiù scamazzà
'Stu sistema è 'na puttana,
Tene è diente è pescecane
Crede è Sante e a Gesù Cristo,
Dint'o sanghe è 'nu razzista
Sò 'na bestia, 'n ignorante,
Fra sti capocchie altisonanti
Forse stò fore, ie songo pazzo,
Ma vuje m'avite rutte o' cazzo.
Sò 'ngazzate, sò 'ngazzate, sò 'ngazzate nire
Sò 'ngazzate, sò 'ngazzate, sò 'ngazzate nire
Sò 'ngazzate, sò 'ngazzate, sò 'ngazzate nire...