Текст песни Sutta Lu Mari - Kaballà

Sutta lu suli, Russu di focu
Figghiu d'Ulissi, Canti lu grecu
Veni la sira, S'astuta u focu
Figghiu d'omero, Studia lu grecu

Sutta lu mari c'è l'amuri
Menza fimmina e menza pisci
Beatu è l'omu chi c'arrinesci

Duci è lu cantu ammaliaturi
Comu lu ventu smovi lu mari
Quantu stupuri quannu la visti
E fu d'amuri ca ti pirdisti

Supra lu mari c'è l'amuri
Menza fimmina e menza dea
E la 'ncantasti cu la poesia

Vintunu jorni fu lu so spusu
Vintunu notti senza riposo
Vuci luntani jornu di festa
Amuri persu 'ntra la tempesta

Sutta lu mari c'è l'amuri
Menza fimmina e menza pisci
Beatu è l'omu chi c'arrinesci

Passa lu tempu resta l'amuri
Parti la navi do prufissuri
Sona lu mari canta lighea
E si lu porta 'ntra la marea

Supra lu mari c'è l'amuri
Menza fimmina e menza dea
E la 'ncantasti cu la poesia