Текст песни Varen - Philharmonia Orchestra , Kirsten Flagstad

Enno ein Gong fekk eg Vetren at sjå
For Våren at røma;
Heggen med Tre som der blomar var på,
Eg atter såg bløma.
Enno ein Gong fekk eg Isen at sjå
Frå Landet at fljota,
Snjoen at bråna og Fossen i Å
At fyssa og brjota.
Graset det grøne eg enno ein Gong
Fekk skoda med Blomar;
Enno eg høyrde at Vårfuglen song
Mot Sol og mot Sumar.
Ein gong eg sjølv i den vårlege Eim,
Som mettar mitt Auga,
Ein gong eg der vil meg finna ein Heim
Og symjande lauga.
Alt det, som Våren imøte meg bar
Og Blomen, eg plukkad,
Federnes Ånder eg trudde det var,
Som dansa og sukkad.
Derfor eg fann millom Bjørkar og Bar
I Våren ei Gåta;
Derfor det Ljod i den Fløyta eg skar,
Meg tyktes at gråta.