Текст песни Des Glück wohnt a Tia weida - Kurt Ostbahn & Die Chefpartie

Zerscht woa nua ea do
Und daunn is sie kumma
Zerscht auf Besuch
Und daunn is boid bliebn
Zerscht woa a Friedn
Und daunn woa sie schwanga
Zerscht hod ea g'soffen
Daunn is se g'stiegn

Zerscht woa da G'schropp do
Und daunn boid de Fiasorg
Zerscht woit sie weg
Und daunn woa ea fuat
Zerscht kurz im Ausland
Und daunn lang im Häfn
Zerscht hod sie plärrt
Und daunn woa ea z'ruck

I glaub des Glück
Wohnt a Tia weida
Oda es wohnt im Nochbahaus
I glaub des Glück
Wohnt a Tia weida
Weu do is bestimmt ned z'Haus

Zerscht woan de Poscha
Und daunn woa des Gschraa
Zerscht olle zwa und dann sie allaa
Zerscht olle Wochn und daunn olle Tog
Zerscht no: "Hoits z'samm"
Und daunn: "Bevua i di daschlog"

I glaub des Glück
Wohnt a Tia weida
Oda es wohnt im Nochbahaus
I glaub des Glück
Wohnt a Tia weida
Weu do is bestimmt ned z'Haus

Zerscht woa de Heh do
Und dann boid de Rettung
Zerscht hams eam g'holt
Und dann den Buam
Zerscht hod sie no gredt
Und dann hods ka Luft kriagt
Zerscht hamsas weggfiat
Und dann is bald g'sturbn

I glaub des Glück
Wohnt a Tia weida
Oda es wohnt im Nochbahaus
I glaub des Glück
Wohnt a Tia weida
Weu do is bestimmt ned z'Haus

I glaub des Glück
Wohnt a Tia weida
Oda es wohnt im Nochbahaus
Oda in da nächstn Gassen
I glaub des Glück
Wohnt a Tia weida
Weu do is bestimmt ned z'Haus