Текст песни Die beste Zeit - Kurt Ostbahn feat. Kurti Ostbahn

Da Oide is neich do
No nie vuahea g'sehn
Hockt in Eck mit sein Achtl
Fangt nach drei an ins Redn
Ned laut und ned deutlich
Des geht schwa ohne Zähnt
Er mermpelt dahea, dass do de
Zeit z'schnö varennt

I kumm öfters vuabei
Am Weg Schank, Heisl und retour
Er hod sei sechst's Achtl
Und sogt: Vastehst, bleda Bua
Sog i. I vasteh ollas
Sogt er: Du vastehst an Schas
I woa da Schnellste von olle
I woa amoi a Jas

Europamasta
Auf Rücken und Brust
Auf zwahundert Meta
Olle vaputzt
Olle vablosn
Bis ochtadreiß'g
Dann einzogn, furtg'schickt
Schnölla oistas kneißt
A Loch in da Lungen
Seit guate sechz'g Joa
A Joa lang a Jas und
Da Rest fia d'Hoa

Nix schwimmt so schnö
Wia de eigenen Fö
So schnö kannst gar ned sei
Is a scho vuabei
Nix schwimmt so schnö
Wia de eigenen Fö
Schau mi an
Schau mi an
Schau mi an
Schau mi an

Vom Wirtn de Oide mant
Sog Miss Dorothee
Wann ihr Oida auf Kur is
Hod's ihrn grimmigen Schmäh
Daunn Kriegt's a Farb von de Stamperln
Auf di's de Stammgäst vazaht
Und erzöht wia sie woa
Bevuas oid woa und blad

Zwischen Popcorn und Schnitten
A Büd an da Wand
Sie im Bikini
Am Podestl am Strand
Miss Wörthersee
A Bonbonniere
A Strumpfreklam
Gratis am Meer

Durt wochst er zuwa
Mocht auf Wöd
Sie schenkt eam ollas
Er wü nua s'Göd
Jetzt siechst as hackeln
Seit guade dreiß'g Joa
Eam siechst ihr zuaschaun
Und des siechst ihr an

Nix rennt so schnö
Wia dei beste Zeit
So schee kannst gar ned sei
Is a scho vuabei

Nix rennt so schnö
Wia dei beste Zeit
Schau mi an
Schau mi an
Schau mi an
Schau mi an
Schau mi an
Schau mi an