Текст песни Hej! (Horad) - Lavon Volski

Не бывае кепскага жыцця, бывае мала віна
Калі б досыць кепскага віна, жыццё імкліва мільгане
Ды ад чорнае крыві распачнецца вайна
І чырвонае крыві багата льецца на вайне

Чалавек сярод людзей
Гэй! Гэй!
У натоўпе жыць прасцей
Гэй! Гэй!

З добрых комінаў струменіцца чырвоны і зялёны дым
Хтось працуе кожны дзень, каб гэты дым ніколі не знікаў
Мігатліва, нібы станцыі метро, бягуць гады
Ты бы выйшаў з цягніка, але баішся скразняка

Чалавек сярод людзей
Гэй! Гэй!
У натоўпе жыць прасцей
Гэй! Гэй!

Чалавек сярод людзей
Гэй! Гэй!
У натоўпе жыць прасцей
Гэй! Гэй!

Гэты прывід дабрабыту і ягоны трошкі бэзаў смак
Ад яго чамусьці хочацца далёка ўцячы
Але мяне на гэтым палатне намаляваў мастак
І я стаю без зброі, а ва ўсіх двуручныя мячы

Чалавек сярод людзей
Гэй! Гэй!
У натоўпе жыць прасцей
Гэй! Гэй!

Чалавек сярод людзей
Гэй! Гэй!
У натоўпе жыць прасцей
Гэй! Гэй!

Чалавек сярод людзей
Гэй! Гэй!
У натоўпе жыць прасцей
Гэй! Гэй!

Чалавек сярод людзей
Гэй! Гэй!
У натоўпе жыць прасцей
Гэй! Гэй!