Marí

Nu paro 'e Scarpe rosse fore 'a Cchiesa abbandunate
'O juorne appriesso ccà però già se so' Scurdate
Ce vonno 'e vase cu 'e ccarezze 'Ncoppa a chelli ffacce
'E mmane nguollo no, 'a dignità nun Se straccia

'Na foglia cade 'nmiezo a 'nu strillo Surdo
'Ncoppa a 'nu ggiurnale scritto Stanno 'e ricorde
Marì teneva suonne desideri Astipate
Ma nunn ha fatto a ttiempo l'hanno Stracciate

Marì era bella trucco e russetto
Jeans stracciate giacca e maglietta
Arrivaje 'o mostro Marì nun rideva
L'uocchie 'nfus e 'a faccia comme a Sta neve

Dinto a 'nu palazzo sento 'nu strillo
Fore n'ata vota 'nu femminicidio
Marì nun ce l'ha fatta sta stesa là 'Nterra
È stato 'o marito 'nmano teneva 'o Fierro

N'atu genitore ca cerca perdono
Pe' 'nu figlio ca se senteva 'o padrone
Marì stammatina steva 'e buon Umore
Marì nunn'o ssapeva ca po' mureva Tra n'ora

'Na vita normale a cercà l'uguaglianza
Mentr Marì mo s'è arresa 'a violenza
'Na Poesia 'Na carezza pe' 'na Femmena caduta
'Nu surriso mo pe' ssempe dinto a 'Nu tavuto

Quale malessere 'o bbene 'o ssaje nun T'accide
Nun te sottomette, 'o bbene t'ammira
'O bbene sta accorto, 'o bbene è Rispetto
E si tu po' faje tarde 'o bbene T'aspetta

Dinto a 'nu palazzo sento 'nu strillo
Fore n'ata vota 'nu femminicidio
Marì nun ce l'ha fatta, sta stesa là 'Nterra
È stato 'o marito 'nmano teneva 'o Fierro

N'atu genitore ca cerca perdono
Pe' 'nu figlio ca se senteva 'o padrone
Marì stammatina steva 'e buon Umore
Marì nunn'o ssapeva ca mureva tra N'ora

Marì vuleva girà 'o munno vuleva Sunnà
Marì s'e addurmuta nun po' cchiù Viaggià
Marì vuleva 'o bbene, cercava L'ammore
Mari resta pe' ssempe sotto a 'na Croce e 'nu ciore