Текст песни Gie - Mir'anavon - Liricas Analas

Gie mir'anavon.
Seigies aviarts.
Orda via culs craps.
Fai liber tiu tgau.
E vesa il bien,
Buc adina il schliet.
Emprova da cuir, ei porta dapli,
Has buc aunc entschiet?

Jeu mon ti vas in pass anavon,
Maun en maun - vein liber nies tgau,
Per la via che meina nus sil medem numnader,
Ina sfida ch'accumpogna nus tochen tiel salvader.
Sempel eisi buc per biars da vegnir orda tegia,
In'autra vesta, aviartadad ein buc quellas che regian,
Plitost la tema che setta tras il tgau e la gretta,
Lezza seglia e peglia, fa star si la pelegna.
Ed ei tilan la ghegna sch'ei va per midadas da basa,
Satrar las modas disadas (gie) lu vegn ei fatg lalas.
Tut seigi schliet ed ei vegn dau cun palas,
Al bien detg adia e agl optimist han ei dau las alas.

Mo sch'ins pudess cuir ad auters la partida
Fussen nus libers e plein harmonia.
Senza scuidonza da buna cumpignia
Essan nus in pievel pacific e da buna natira.
Ina buna mesira, ina buna relaziun,
Ha gronda cuida, ina ferma acziun.
Ed insumma savessins muentar in tec dapli
Cun seser ensemen e lu era aunc puder cuir.
En vertit da quella tenuta raccoltein nus en abundonza
Quei che nus repartin da buna derivonza,
Ed aschia selegrein nus da gronda beinstonza,
En favur dad ina fetg buna cuminonza

Mo sch'ins pudess cuir ad auters la partida
Fussen nus libers e plein harmonia.
Senza scuidonza da buna cumpignia
Essan nus in pievel pacific e da buna natira.
Ina buna mesira, ina buna relaziun,
Ha gronda cuida, ina ferma acziun.
Ed insumma savessins muentar in tec dapli
Cun seser ensemen e lu era aunc puder cuir.
En vertit da quella tenuta raccoltein nus en abundonza
Quei che nus repartin da buna derivonza,
Ed aschia selegrein nus da gronda beinstonza,
En favur dad ina fetg buna cuminonza