Текст песни Mira ? - Liricas Analas

Mira, mira - mir'anavos tut che semida.
Mira, mira - mir'anavon pren uss la sfida.
Mira, mira - mir'anavos tut che semida.
Mira, mira - mir'anavon.

Sche jeu studegel sco ei era e cumparegliel cun oz,
Cura ch'el steva e scheva: Buc cuntents cul job!
Ei mudregi da tut temps da di e da notg!
El ha stuiu morder sils dents e quei onns.
Perposta dad haver empriu il falliu mistregn!
Baul saviu che quei vegni nuot perquei è viu ner,
Schau dar in daguot ni l'auter, el era è buns da far da pauper.
Cumpassiun cun sesez mo buc culs auters!
Quei ch'ei oz auter, in tras gl'auter ha fatg svilup enorm.
Anflau schlontsch e vegnius pli gronds.
Ius vinavon toc per toc,
Buc fugius ni curdaus giun plaun.
Staus neu per il siu, fadigiau siu paun da mintga di.
Cun mintga di dapli senta el ch'ei va ensi.
Ed ei vesa or sco sch'ei mass si!
La frastga verda el sacados e pinaus per dapli!

Ditg ha el studegiau, sespruau, semudergiau,
Ius cul tgau tras mir tochen ch'el ha tscheccau
Che tut ei buc gartegiau sco el ha vuliu.
Ius ed ius tut quei ch'el ha pudiu.
El ha dau e priu, pli bia dau che priu.
Ed uss? Tut quei ch'el ha dau ei svaniu.
Ius tier il falliu, tier la fallida.
Ida la sfida da midar tut per adina.
Aschia va quei: ins ha visiuns e giavischs.
E sch'ins mira anavos mo il temps ch'ei currius.
Biaras schanzas restan munchentadas,
Certas dultschas uras lavagadas,
Sfarlatadas, ord motivs che tut far fa buc senn.
Zacu vesan ins en, ok igl ei voll da penn, sco tut ei iu.
Sch'ei fuss aber buc iu sco tut ei iu,
Fuss el oz buc el liug!

Cul trutg ei sesaviarts avon ses egls schi tschocs
Era ei tard en sia veta, el era vegls e cotgs.
Emprendissadi, era il meglier job.
Mo el ha priu il schi vuliu, el survegn quei toc.
Per esser cuntents ha el investau ina massa,
Seigi ei peda ed energia, traso vita cassa.
Per ventgatons onns, piardas aschia la fatscha.
En sortida cun vegn francs ed in stift en tastga.
Ed el mira anavos e sto buc mo rir empau,
Cul stift ha el empriu da malegiar ed il cash schazegiau.
Ei vegn gie meglier zacu pli tard ni pli baul,
Scheva el adina e quei patratg ei restaus.
Oz ei il cash per el buc pli propi in tema
Ed il stift siu uaffen, l'agentura siu schema,
Ella fiera vida luvrar, gnanc fa la gliema.
El mira anavos ed el careza la veta.