Текст песни Wo ich herchume - Luuk , Nativ

Ich han mir nöd usgsuecht
Vo wo das ich herchume
Gebore nünzäh nün null
Wolishofe, Nabelschnuer um de Hals
Kaiserschnitt, Seele,
Alles zäme wiene Quersumme
Das heisst für die Wält jetzt
Ich chume bald
Ich will nur guets mache
Isch die Attitude
Und wänn öbbis wiiter wachst
Isch die Ärde guet
Also mach mer nöd uf Hass
Wänn nöd sterbe muesch
Du bisch da i dim Palast
Mach dis Fänster uf
Mit 14ni weg us dä Stadt ines Dorf
Gseh jetzt die Kluft
I däm Land sägmer wo
Hätts kän Platz meh für Hilf
Und dass niemert dörf cho
Mir lebet da fern ab vo Not
Also was fallt dir ih man
Da gahts nid um dich
Chopf-Figg-Paradies
So gfiggt isch die Schwiz
Euse Wohlstand hät Vorrang
Vor Flüchtlingsboot in Europa

Mir isch so glych wo här du bisch
Wöu du mir nid nume ähnlich bisch
O we üsi Festig es Gfängniss isch
Homie lueg die Wäut sie verändert sich
Chume vomne Ort wo nid gfährlich wirkt
Aber lueg der Tod isch nid wählerisch
Und darum isch Stouz wienes Närvegift
Wo macht das der Mönsch no vergässe wird

Ha nid usgseucht woni härchumä
I ha z Läbe geng fair gfunge
Bisi ha gmerkt, s isch nid für aui glych
Sie mache geng none Ungerschied
Zwüsche arm und riich
Doch es isch jede glych
Wenner bi Mama ide Arme liit
Es geit um Liebi bro
Lieb dini nächste
Empathie isch kes Verbräche
Bräche mit dr Tradition
Üs wöue z vrteidige
Wär im Reine mit sich säuber isch
Chamä nid beleidigä
Drum figg Staate
Wöu si aues mitmache
Figg Waffe
Wöu si üsi Zuekunft mitgstaute
I hasse niemer u nüt
Aber so viu Mönsche da usse
Si verdiene sich das nid
Mir si jede Tag am Tod id Ouge luege
Müesse d Problem a de Wurzle packe
U nid nur ufd Fouge luege
U bis der Change üs sägnet
Spreadid z Wort egau ob Sunne oder Räge

Mir isch so glych wo här du bisch
Wöu du mir nid nume ähnlich bisch
O we üsi Festig es Gfängniss isch
Homie lueg die Wäut sie verändert sich
Chume vomne Ort wo nid gfährlich wirkt
Aber lueg der Tod isch nid wählerisch
Und darum isch Stouz wienes Närvegift
Wo macht das der Mönsch no vergässe wird
Mir isch so glych wo här du bisch
Wöu du mir nid nume ähnlich bisch
O we üsi Festig es Gfängniss isch
Homie lueg die Wäut sie verändert sich
Chume vomne Ort wo nid gfährlich wirkt
Aber lueg der Tod isch nid wählerisch
Und darum isch Stouz wienes Närvegift
Wo macht das der Mönsch no vergässe wird