Текст песни Rundinella - Massimo Ranieri

Tutte ll′amice mieje sanno ca tuorne
Ca si' partuta e no ca mm′ha lassato
Só' giá tre ghiuorne
Nisciuno 'nfin′a mo s′è 'mmagginato
Ca tu, crisciuta ′ncopp"o core mio
Mm'ha ditto: addio!

Vulanno pe′ cittá nove e stramane
Tu no, nun puó sapé che te ne vène
Ogge o dimane
E si nun truove maje chi te vò' bene
Quanto te ne vogl′io
Ll'amice 'o ssanno
Che faje vulanno?

E torna rundinella
Torna a stu nido mo ch′è primmavera
I′ lasso 'a porta aperta quanno è ′a sera
Speranno 'e te truvá
Vicino a me

Torna! Ll′amice mieje sanno ca tuorne
Tutte se só' ′nfurmate e a tutte dico:
"Dint'a sti juorne!"
Uno sultanto, era 'o cchiù buono amico
Nun ll′aggio visto e nun c′è cchiù venuto
Fosse partuto?

E torna rundinella
Torna a stu nido mo ch'è primmavera
I′ lasso 'a porta aperta quanno è ′a sera
Speranno 'e te truvá
Vicino a me

E turna rundinella
Torna a stu nido mo ch′è primmavera
L'lasso 'a porta aperta quanno è ′a sera
Speranno ′e te truvà
Vicino a me