Текст песни Ayen ayen (pourquoi pourquoi ) - Matoub Lounes

Felli mi d rsent wallen-im,
Tsettuy dgi cḥani,
Ass mi akken lliɣ s idis-im,
Ay fehmeɣ grant-iyi
I yixef-iw qḍiɣ -d aḥkim,
Ar ɣuŗem I deffin-iyi
Ḍḥiɣ-d ger tezyaw d abhim,
Ulac ŗŗay d ahwawi
Ayen ayen ayen ayen

S snesla-m teqneḍ-iyi,
Ɣer tesraft id-iyi tegreḍ
Tekseḍ itij ɣer tmuɣli,
D times-is ay d tessawḍeḍ
Qedḥeɣ adif iw yefsi,
D timeqwa id-iyi tjebdeḍ
Yegra-d yiɣes d aḥerfi,
Kemmel-as aken ad tertiḥeḍ
Ayen ayen ayen ayen

Ţnadiɣ tatut di lkas,
Smeckukleɣ lecɣal-iw
Felli mi ig εedda useggas,
Tamaεeɣ deg wayeḍ zheŗ-iw
Ḥedŗeɣ mi akken ddant tullas,
Limer irad d tizya n yessi
I iman-iw ḥuddeɣ tillas,
Ar tagust yewweḍ rebg-iw
Ayen ayen ayen ayen

Xas aka tesεetbeḍ iyi,
Qebleɣ-kem am jenjer I tit
Uli-iw dayen ur d yettmenni,
Sellaw am yixef n tcettit
Am ufexxar teqdeḍ-iyi,
Uzzaɣ teclabeḍ tqettit
Ulac tin ur yezgil yizŗi,
Tazmart-iw tegla s texrit
Ayen ayen ayen ayen

Ma yif-ik gma-k leɣŗus,
Kker s afras d telqim
Ma yik-ik gma-k lebŗuj,
Bnu s lyajuŗ uŗqim
Ma yik-ik gma-k mettu,
Ay aḥbib xdem neɣ qim
Smaḥ ma izleg usefru,
Cerweɣt-id si zman aqdim
Ayen ayen ayen ayen