Текст песни Communion avec la patrie - Matoub Lounes

I nek i iɣunfa uẓaṛ-iw
D-acu d-asfel-iw?
Anda yella dwa ḥellu?
Xas lḥir yezdeɣ ul-iw
Kkawen ifaden-iw
Mi zrix lğğedra treku,
Ttiktiwin n-warraw-iw
In yerwin alleɣ-iw
Yal yiwen aken l-ay-fetu

Ttiktiwin n-waraw-im
Im yerwin alleɣ-im
Yal yiwen aken l-ay-fetu

Yal yiwen aken l-ay-fetu
Lebḥeṛ uɣuṛu
Nkecmit wis ma ɣ-yeḍleq?
ḍlan i tmurt daεwesu
At neggi, at ttru,
Mi teẓra ungif d-amseweq,
Mačči s "qul huwa llahu"
Is ara teḥlu,
S-leqraya, s-tegmat d-lḥeq,

Wi steqseɣ ad yinni: kfan,
Nfan neɣ fnan,
Wigad yettmagaren lmut,
Wid d-yeğğa ṭraḍ iεedan
ẓayit, ṛwan,
Kkan deg merga n-tefsut,
Di lğğefna abruy ur teğğan
S-umezruy glan
Ɣer lkaf zuɣṛen tamurt,
Di lğğefna abruy ur teğğan
S-umezruy glan
Ɣer lkaf seḥben tamurt

Wis ma d tallit ig bedlen
Neɣ d-nukni i iεawjen?
Iwεer leḥsab i tifin,
A yameṣbaṭli i ruḥen
A d-yeğğ iweṭen
Ttefruruxen d tilkin,
A yugwadeɣ!
D-wigad ɣi smunedlen
Ar a d-yuɣallen
Yidsen a nberez lesnin

D-wigad iken i smunedlen
Ass-a id yuɣallen
Yidsen a-tt-berzem lesnin

I wegrawliw aken at ḥemmleɣ
Kert a-tt-nadim later-is
Ma mazalit am zik yeḥḍem,
Tanaṣlit tuzel deg idammen-is
Steqsit-tt, intas: naεdem,
Aεdaw yuẓad di tikli-s,
A mi ken-id iğğaweb
A-tt-wehmem, a-tt-wehmem!
Yal wa ad yesiked aṛfiq-is...

Nqesḍik-id a d-aɣ temleḍ
Amek aka i tedunt temsal

Luḍa-agi seg i d-kam
Sneγ-tt asmi d-asawen,
Iεdawen-agi d-snulfam
Yidsen i nḥefɣ ifaden,
Amek a yeṛefṛef laεlam
Ma ugwint at qadṛent wallen?
Amek ar a yibnin wexxam
Ma mcebwelen iεegallen?

ẓṛiɣ leqṛaya teɣṛam
Teɣṛam arkwel tilufa,
Teɣram-tent ur sent ḥulfam
Fellawen ur εeddant-ara,
Asma ken-id qeṣḍen laεwam
S-ciṭeḥ n-wayen akk nesεeda,
As tinim: "ziɣ d-asemam
Useqi-nni n-tegrawla..."

Zemreɣ am kunwi ad illiɣ
Asma-aken legweɣ zman,
Ad-siseɣ ayen akk nwiɣ
Tagara ugadeɣ ilefḍan,
Hettmeγ di lebɣi ayen bɣiɣ
Bɣiɣ ṣṣef imeγban,
Xas aka di tesga kfiɣ
Ur ndimeɣ deg-wayen yeḍran

Nadi-t aẓar n-taεdawt
Amer atan gerawen,
Aftett uqebl a ken ifat
Lḥal ur yelli yidwen,
Ma tewtiken akk tmagart
Aret iffeẓ am izamaren,
Wi wen innan: d-acu i d tafat?
Intas: d-iɣallen iduklen

D-nuba-w a ken steqsiɣ
ğğawebt-iyi-d a yatma,
ḥarcaw webrid id bwiɣ
Ass-a semreɣ di tesga
Int-iyi: isem Amaziɣ
Ma d tilleli s-tegrawla?
Neɣ aken ttmeyizex, ttwaliɣ,
S-akwersi teɣṣeb tazla?

Nemyesteqsa, nemsefham,
Nefhem d-acu ar a nqabel,
Tiɣṛi-nneɣ a d-tefeɣ si ṭlam
Yal amdan ar d-as isel,

Ass amaynut nesaram
Ndeh-as ad iɣiwel,
Yis-nneɣ i icbeḥ laεlam
D-nukni i d tarwa laṣel,

A tiɣri-nneɣ dhen tudrin
Smekti-tent ɣef yiḍelli,
Mi sarɣayen tizemrin
Mi sengaren leḥwaṛi,

Azen-d ṣebr i tlawin
D tilmeẓyin ğğlent d tirni,
Ad-rrent s-teɣṛatin
Anaṛeẓ asalu n-tugdi,

Aḍref yellan d-asuki
At ngarez ad yefk lqeḍ,
Tiɣri-nneɣ, d tiɣri n-tdukli
Lmeṛɣub ad at naweḍ,

Xas yakan akk nemserwi
Di leɣlaḍ ur ntenneḍ,
Neluẓ neɣ neda ḥafi
Di tegmat ur nrekeḍ