Текст песни Semehtiyi - Matoub Lounes

Yak nnan telha nniya
A d lḥila n ṣber bab-is ɣas yeɣli ad yekker
Tettak udem i taggara
Tettrebbi lqima win i tt-isɛan ur inegger
Nekk ay atma ur iyi-tehwa ara
Almi i d-nemsegra
I d-indeh s yisem-iw liser

Anda-tt teɛzibt ur nerḍih
Neɣ asebsi ur nendiḥ
S Lḥesnawi d Lɛenqa
Selseɣ-as i lɣerḍ jjiḥ
Ass-a ad d-tettiqsiḥ tedwelt-nni ur rǧiɣ ara

Yak nnan leɛmeṛ yerbiḥ
Bnadem ur neqbiḥ
D lweqt ad niqbiḥ tura
Ɣer tḥerci ad ncerreg ttrih
Ad asen-neḍlu amsiḥ
I win yesburren nniya

S rrba i di-yesrebḥen
D idim yemmaren
D aneɛyabu ttwargameɣ
Ṣeddeḍen lerbug akk celxen
Ula iyi-d-yeṭṭfen
Deg weḍref n wegni n yiseɣ
Allen zik yettneḥcamen
Ur ttadrent dayen
Xas ma sdat win i ttqadareɣ
Tagmat ad as-rẓeɣ ifadden
Ad as-gerrzeɣ lekfen
Deg uzabuq ad as-serrḥeɣ

Ṣṣifa n leḥbab ad tt-beddleɣ
S tḥerci ad tt-jeggreɣ
S tumlilt n tmenqas-iw
Bu ttrika ɣur-s ad senndeɣ
Ma d wayeḍ ad t-ḥeqreɣ
Xas yefruri-d seg uẓar-iw
Ɣur Ṛebbi afus ad t-id-kkseɣ
Aḥezzeb ad t-nefḍeɣ
Ad t-nfuɣ seg idisan-iw
At ẓẓur ad ten-id-necdeɣ
S yis-sen ad nefḍeɣ
Widen ur icekkeb lɣeṛḍ-iw

D usfih i yesburren ṛṛxa
Yeḍsan ɣef lḥerma
I iferrun tilla ass-agi
D ungif yeččan deg uɣenja
Ɣur i d-tegra tɣawsa
Ɣef iderman ad yettṛayi
Taddart ma tḥemmel zzayla
Ttekki deg imezwura
I as-d-ittḥuccun mebla acetki
Ma tesseɛteb-ik tmara
Zuff beddel tama
Tettuḍ amek iga iḍelli