Текст песни Für immer niemer - Mimiks

Wooh, uh, okay
Ja ja ey
Chume vo de Bühni mit me Drink
Wödü chüel ich ha mis Tüechli um de Grind

Lüt fühleds will sie wüssed wie ich bin
Die ganz Schwiiz kennt de Name
Unterdesse mier hend killt - du weisch

Bro, ich ha ders gseit vor öppe füüf Jahr
Läbe vom Applaus öppis gmacht usem nüt Bro
Ich ha denkt es werdi öppe Ziit für öppis anders
Aber seg wie sell ich gah, ich bi süchtig nach dem Ganze
Has im Bluet lueg es fliesst dur mini Vene
Wenn ich schriebe denn isch Hip-Hop wieder ide Wehne (ja mann)

Ich läb de Movie das isch alles wo ich gsehne
Fucking Chekaa lütet ah und fragt mich "hesch mer paar Idee"?
Was isch passiert Mann unterdesse rappt do jede
Sie gsend alli glich us und sie hend all die gliche Theme (Spasste)
Sie kopiered, ihri Scheisse hed kei Seele
Aber jetzt chund Young Mimi back und figgt ihri Karriere easy

Vier eis Chamions-League, ich spit Fire hundert Grad
Chum im Tanktop - wiss
Oh Bro, bring mer jede, ich säg "Rest in Peace"
Young Mimi - Man of the Season - MVP
Jung & Hässig isch für immer Bro, C.R.A.C.K. für d′Schwiiz
Mer würd säge ich bin de Ersti und de Letschti gsi

Zwoi Jahr ohni mich, Bro isch lässig gsi
Doch sie hend nüt drus gmacht - danke merci G!
Jetze bin ich wieder da, neus Album, neui Ära
Sie chönd mich nöd hole läb im TV wie Samara
Nois Label aber s'alte Team
Sie und ich isch kei Verglich, es isch en anderi Galaxie

Mier fahred ih, A-Team, ziel schnell wie Lucky Luke
Die Guete stärbed jung, Fast Life wie Andy Hug
Und du hesch One Shot, also Brüäder mach die Moves
Ich gibe alles für das uf und suscht isch bald mal Alles us
Lug die Bars sind nur s′Warm up
Es wird Ziit mier gönd deep isch kei Frag Mann

Brüäder lueg uf "Läbe vom Applaus" han ich dier damals gseit
Wär ich bi, woher ich chume, de ganzi Afang weisch?
Jetzt isch paar Jahr meh Bro, paar Stories meh
Lug es sind paar Hater meh und au so viel Fans meh
Also chill Homie, lueg doch mal wo mer jetzt sind
Wenn ich jetzte dra dänke s'chund mier vor wie en Film

Ich ha immer welle Star si (ja)
Irgendwenn en Villa mit Ferrari und so
Ich ha immer welle Star si (ja)
Ich ha welle vom Läbe vom Applaus vo de Crowd
Ich wett nie meh normal si (no)
Lieber bin ich morn scho im Grab oder so

Baby jede Tag e Party (ja)
Lueg mal ich ha nüt nur e Traum vo (?)

Zwei-14, chund das Album id Läde
Plötzlich stad Young Mimi näb de andere Näme
Näb de Grosse vo de Szene Bro, crazy Shit
Chum vom Underground id Charts, Homie - Major Biz
Mier sind use i die Wält Bro, alles no so noi gsi
Jung und naiv, nur mier mit (?) und paar Träum (?)

Zieh mis Ding dure, wott go jage wie en Loi
Und ha das Ziel vor mine Auge, gibe "Holla at Ya Boy"
Plan ufgange - Bro fühl' mich wie Rocky
Gang dur d′City wie en Promi
Mache da und det es Foti
Shit wird zu serious und du findsch komisch

Doch für mich isch das scho immer chli meh gsi als es Hobby
Und du weisch Bro, mier wend no wiiter ufe
Plötzlich isch die ganze City am Prima suufe
Lueg sie pumped üsi Lieder wenn sie tschuuted
Nume drü Zahle präged in Luzern en ganzi Jugend (041)
Ich bi zu Schwiiz für die Street, zu Street für d′Schwiiz

Han e riesegrossi Frässi drum Beef mit Gs (Bang Bang)
Eh und ja Mann, isch scho klar dass sie mich hassed
Säg was sell ich mache wenn ich ned i ihres Wältbild passe?
Und am Afang isches schwär Bro
Aber du chasch eh ned allne gfalle
Hate wirds immer gäh Bro

Unterdesse lauft s'Game
Ich füll d′Schüür in Luzärn
Debut-Album ufem Eis heds ide Schwiiz noni gäh
Soni Hype wäg chli Rap heds ide Schwiiz noni gäh
Ich ha das Game für immer changed das cha mier niemert meh näh
Ey und plötzlich chömed alli Bro, Fründin het de Aschiss

Ich wott nüt verpasse, gsesch mich nume no a Partys
D'Nacht sympathisch willkomme ide Matrix
Figg mal uf spare Bro, ab jetzt isch alles gratis
Das isch nur de Afang, alles isch so magisch
Chume vom MD abe
Läde bliibed dunne au wenns Tag isch

Nie wieder Sorge, mis Gsicht uf Poster
De Bueb vom Maihof
Er isch jetzt eine vo de Grosse
Ich mues nie wieder so wie all die Andere si
Lueg ich ha gmeint ich sigi acho am Ziel

Ich ha immer welle Star si (ja)
Irgendwenn en Villa mit Ferrari und so
Ich ha immer welle Star si (ja)
Ich ha welle vom Läbe vom Applaus vo de Crowd
Ich wett nie meh normal si (no)
Lieber bin ich morn scho im Grab oder so

Baby jede Tag e Party (ja)
Lueg mal ich ha nüt nur e Traum vo (?)

Denn isch Album Nummer zwoi cho - Oscar riif
Wiiter obe ide Charts isch nur en Rockstar-Liich
Näbe mier heds keine gäh wo e so polarisiert
All die Andere sie hends Gfühl sie hend die Promo verdient
Immer meh Dissereie aber das isch so egal
Will ha so viel andri Sorge

Mini Mama im Spital
Sie wend gseh wie ich gheie
Hend mich gseucht uf de Strass
Lug Dämone wo ich rüefe werded langsam scho real (real!)
Ab jetzt isch nüme me mit privat
Jedes Wuchenend am suufe

Hundert Züüge sind am Start (Rrraa!)
Bro sie chrüüched dier in Arsch
Doch lass sie einisch us de Auge und de Tüfel isch parat
Ey und denn isch die Beziehig cho
No mal en neue Level gsi
Plötzlich öppis wo ich nie ha welle si

Bi ufem rote Teppich - Interviews - Celebrity
Mann Blick am Abig, 20 Minute, keis Wunder reded sie
Auge uf mier schwär, so wie zäh Tonne
Homie das isch de Grund wieso ich nüme in Luzärn wohne
So viel Zwiifel i mier inne
Da′sch de Nährbode für de Parasit

Mann ich ständig hie und her zoge
Uf de Stage churz fühl mi frei
Nöchschte Morge ghör ich ich bi dur die Prüefig gheit
Und ich stah wieder mit nüt da, Mann figg de Scheiss
Schwiiz Rap's Nummer eis und sust nix erreicht
Cha für churz öpper si wenn ich usgah

Homie, doch am Mäntig de am sächsi wieder ufstah
Ich bi irgendwo zwüsche Shows, zwüsche "Mimi du bisch Dope"
Zwüsche wär wott ich mal wärde und am Monetsändi broke
Es isch ned andersch gange
Ich han de Wäg muesse gah Bro, ich hans verstande
Ey das ganze bi ned ich, es bringt mich ned wiiter

Brüäder mis ächte Ich isch kei Titelsiite
Und wenns blowt, denn blowts, und wenn ned isch okay
Will mitem strebe nach no meh wird mini Seele ned frei
Säg was bruch ich zum glücklich wärde? (Was?)
Isch es für Anderi öpper si oder de Friede mit mier sälber?
Keis Hus, kei Charre, kei Gold, kei usverchaufti Halle

Defür bhalt ich min Stolz
Baby ich bi cool mit dem Typ wo ich gseh im Spiegel
Ey de simmer halt für immer niemer!

Ich ha immer welle Star si (ja)
Irgendwenn en Villa mit Ferrari und so
Ich ha immer welle Star si (ja)
Ich ha welle vom Läbe vom Applaus vo de Crowd
Ich wett nie meh normal si (no)
Lieber bin ich morn scho im Grab oder so

Baby jede Tag e Party (ja)
Lueg mal ich ha nüt nur e Traum vo (?)

Chum mer sind für immer, immer, immer niemer (Für immer niemer!)
Chum mer sind für immer, immer
Immer niemer (Bro mer sind für immer niemer!)
Chum mer sind für immer, immer, immer niemer (Aha, Mimi!)

Chum mer sind für immer, immer, immer niemer (Für immer Bro!)
Chum mer sind für immer, immer, immer niemer
Chum mer sind für immer, immer, immer niemer