Текст песни Karoca - Oliver Dragojević

Kroz đardine, kroz pjacete, priko boti o' marete - karoca gre
Kroz ditinjstvo i obide, kroz letrate i beside - karoca gre
Niz skaline s puno dice ča se penju do fortice - karoca gre
Di gariful lipo cvate i kroz dane ča se zlate gre, karoca gre

Karoca gre, karoca gre
Kroz vrime ča je prošlo, kroz sunce i kroz lad
Di cva san i frajava, a ko zna di san sad?

Karoca gre, karoca gre
Od snova i od zvizda ča uvik će mi sjat
Dok glas će pustih dana u vitru mene zvat
Karoca gre, gre, gre
Neka gre!

Kroz veseja i parade, di još zvone batištrade - karoca gre
Sva o' zlata, sva o' cukra, di san prvu ljubav ukra - karoca gre
Di san proša prve skule, di san kuša prve žmule - karoca gre
Di san jubi, di san tanca bez rišpeta i bez glanca gre, karoca gre

Karoca gre, karoca gre
Kroz vrime ča je prošlo, kroz sunce i kroz lad
Di cva san i frajava, a ko zna di san sad?

Karoca gre, karoca gre
Od snova i od zvizda, ča uvik će mi sjat
Dok glas će pustih dana u vitru mene zvat
Karoca gre, gre, gre
Neka gre!

Vozi, leti, tuta forca o' ditinjstva ta karoca - karoca gre
I kroz mladost ča me smanta ka figura od krokanta - karoca gre
U bandire puše vitar, ona nosi moja lita, - karoca gre
I na sve se ona vrati, ona leti, neće stati, gre, karoca gre