Текст песни N'accordo in fa - Renato Carosone

Canta Napoli!
Questa è una canzonetta che si può.
Ballare e si può anche ascoltare
Oppure, se non volete sentire
Chiudete la radio
Pecché a me nun me passa manco pa' capa

Tenevo 'na paciona 'nnammurata
Affezionata, semplice e gentile
Doppo tre anne, 'a capa ll'è avutata
E ll'è venuto 'o sfizio 'e mme lassà
Stò' contro a tutt' 'e ffemmene
Pe' chesta 'nfamità
E na vendetta nera voglio fà

Mm'ho comprato nu mandulino
E mme metto for' 'o balcone
Quanno passa na signurina
Io lle faccio n'accordo in "Fa"
Po' lle canto chistu sturnello
Ch'è capace d' 'a 'ntussecà:

Fli-ppó, fli-ppó
Fli-ppó, fli-ppó
Fiore di primavera
La donna tiene i peli sopra il cuore
E io nun mm' 'a pigliasse pe' mugliera
Nemmeno se me l'ordina il dottore
Parola mia
Parola mia d'onore

Diceva: "Tu si' tutt' 'o core mio
Ma si mme lasse tengo il vetriuolo"
Po' mme guardava 'mmocca pe' gulío
A n'atu mese avévam' 'a spusà
Nèh chella 'o juorno quínnece
Mme dice chesto a me
'O sídece nun se fà cchiù vedé

E pe' chesto, cu 'o mandulino
Io mme metto un'altra volta for' 'o balcone
E quanno passano 'e ssignurine
Io lle faccio n'accordo in "Fa"
Po' lle canto chistu sturnello
Ch'è capace d' 'e 'ntussecà:

Fli-ppó, fli-ppó
Fli-ppó, fli-ppó
Fiore di primavera
La donna dice: "Una capanna e un cuore"
Ma quanno vede 'e ccarte 'e mille lire
Se mette pure cu nu scupatore (spazzino)
Parola mia
Parola mia d'onore

Fli-ppó, fli-ppó
Fli-ppó, fli-ppó
Fiore di primavera
Chist'è nu matrimonio per amore
Ma tu, mio caro sposo, sta' sicuro
Che a San Martino vaje a fá 'o priore
Parola mia
Parola mia d'onore