Текст песни Mmiez' 'O Grano - Roberto Murolo

E 'a sera, sotto e pásteno
De mméle annurche, passa
Stu core sempe gióvane
Ca ride e ch'arrepassa
E 'a luna, pazziánnose
Nu ramo e n'atu ramo
'Nterra, cu 'e file d'èvera
Ricama nu ricamo

Oje stella, sté', ch'aspiette nu signale
'O ggrano ammaturato è culor d'oro
E sti capille tuoje só' tale e quale
E 'o ssaje ca i' mme ne moro
Si 'mmiez'ô ggrano nun mme ffaje vasá

E tu nun duorme, è inutile
Stu core tujo mme sente
Quanno, pe' sott'a ll'albere
Passo annascostamente
E ghiésce fore pallida
Bella comm'a nisciuna
E 'a luna, zenniánnoce
Cufféa, 'sta 'mpésa 'e luna

Oje stella, sté', ch'aspiette nu signale
'O ggrano ammaturato è culor d'oro
E sti capille tuoje só' tale e quale
E 'o ssaje ca i' mme ne moro
Si 'mmiez'ô ggrano nun mme ffaje vasá