Ya Allahım

Əldə Quran, dildə Azan səsimiz var
"Lə iləhə İlləllah" kəlməmiz var
Şükür olsun bu günümə, sabahıma
Duya bilən, sevə bilən qəlbimiz var

Ya Allahım, Ya Allahım
Özün qoru bu xilqəti
Hifz eylə sən dərd-bəladan
Əsirgəmə mərhəməti

Ona doğru sınaq dolu yolumuz var
Bu səfərdə tufan, boran, dolumuz var
Ömrü verib o əmanət hər bir kəsə
Yalnız ona əziz bir can borcumuz var

Ya Allahım, Ya Allahım
Özün qoru bu xilqəti
Hifz eylə sən dərd-bəladan
Əsirgəmə mərhəməti