Deeltjesversneller

Men oeuvre is lik drijfzand, eki daj der in dukt
Grak je der mo moeilijk ut, elke luistersessie is riskant
Tis verslavend lik narcotica, weinig is specialer
Dan de overdracht van woordenschat tusshen schriever en luisteroar
Als ontvanger ervroar je overmacht
En bluf je stoarn nor et beeld dak ier vo jen ogen platsn
In hypnose vast lik Alex in A Clockwork
Puzzled in the mind lik bie't maken van e crossword
In gedachten verzoenken lik bie e schaakspel
Denksport, met de pen slorp ek verhaaln ut de ether
Tis leegte woaran dak perk en paal stelln
Koedn rekening met de fans, dus elke bar telt
Ken e haarspeldbochtewerkvergunning
Ol die zelfverkloarde woke-rappers zit ek up de hielen just lik Kruger
Dunning, kzorgen voe upschudding
Lik e goudzoeker, twee-vier karoat, gin verdunning
Zest ok e poar joar nix nieuws droppn en stillestoan
Bluf ek in de running voe de top tien mc spot
De handn van Midas, elke pagina dak vastpakken
Transformeert in blad-goud lik of dat voe niet got
Me pen is ze gewicht in goud weerd
Gefabriceerd voe te bluvn goan up ze doel lik e koerspeerd
Ne ku gin blad spoaren, menshen willn proeven
Van me raps, dus moek ze verbaal dagvoarden
En vor et gerecht zettn, ze serveren lik e backhand
Van Becker, ok elke letter lekker up ze plek smackn
Massas vetplekken lik Bleejkn up e track
E lawine elke liene et e sneeuwbaleffect
Ik, maakn gin wegwerp, woorden zien erbruikboar
Verzen bluvn woarde en voe de volgende duzd joar
Me raps zodoaning ard, tmoment dak in de booth stappn
En me vocals upnimn, crash ek me geluidskoart

Klappn de boel ier up lik Loffers tijdens werkdagen
Ot e gutenberg is daj beklimt moej noois de pers vragen
Nietn moe gemaskerd worden, ken gin nood an verflagen
Authentiek toet and de dag da ze me no me zerk dragen
Ik bluvn an me vers schaven
En kgon an de body van me tekst bouwn dus kmoe me nie sterk maken
Dak ik gin gewicht heffen okke no de kern graven
Met zelfvetrouwen gok et verst graken
Dus gok vorutbeist dak e goeie wave utsteuren
Kschilderen met woorden en kgebruiken oenderdduzd kleuren
Kmoetn me teksten der nie uitsleurn
Me brein bepeist zodoanig rappe raps dak breken deur de geluidsmeur
Kschrievn verhaaln, mo kzien meer dan verteller
Me penne scheurt over et blad, mo me mening is sneller
Want me gedachten bewegen met de velociteit
Van een atoomkern, temidden in e deeltjesversneller
Ik probeern me t'ontfermn over bars
Juste lik bie oppenheimer goa me thesis toet de kern van de zaak
Kpakkn gin omweg, ik zeggnt recht voe de raap
Ik bluvn goan, et type die pas remt in ze slaap
Ot rap e test wos wos ek telkens geslaagd
Krappen met smaak, zelden ant slapen, ettelijk waakn
Werkn te vaak, telkens e vers vers in de maak
Me flow is polyritmisch lik ol wos me name Anderson paak
Ik droppn zoveel shit de booth is lik e septische put
Ieder freeverse komt met et inwendig vernuft
Van e quantummechanische microprocessor
Ok up de micro processen ontwikkeln kut de stemming echt niemi stuk
Van ieder type ploate ek ol samples geplukt
Lik bie e pasportcontrole ek me stempel gedrukt
Up uze scene, mo kdroppen zelden tracks voe de club
Ik maakn bangers dien richten up een inwendig geluk