Nico's Routine

D'eerste ki dat ie eur zag ad ie eur nie in de goaten
Ze kwam voe t'eerst up ze pad bie familie en moatn
Ze wos antrekkelijk, spannend, e nieuwe geloat
Die em onbekend wos, en net doarom viel ze wa loater
Lik in de smake, ne leerde eur kennen
En ze deelde direct, wa rake klappen ut, olene voer hem
Mo z'ad etwadde, en trouwens, ze moatn stoen derachter
Ollemale woarn ze verliefd up Tine eur karakter
En t'aroma da ze under vorzag, in de groep
Ollemale zaten ze wel eki gern an eur poep
En woudn ze proeven, de tied leek vorbie te zoeven
Nomeki wost ie ol joaren bezeten en bleeft ie zoeken
No die rush dat ze de eerste ki gaf,
De ontspanning en de kracht voe't bedrukken van stresserende gedachtn
No die vuf minuten pure ontspanning en relaxoatie
Ne zat ol joaren vast in de lastige situatie
Dat ie biena niemi zoender eur kost, de reloatie
Wos vor em up elk moment van de dag in vulle rotoatie
Ne zat nu upt punt dat ie kwam toet de constatoatie
Dat ie Tine noois niemi ging kunnen lossen
Twos een automatisoatie voe de dagen te starten in eur aanwezigheid
E leven zoender Tine wos nu ol lange verleden tied
Ja Nico, Nico is verliefd up Tine
Nis verliefd up de route ernotoe en up de routine

Z'is de enigste woa dat ie an peist
Vierentwintig-zeven bluft ze binnen ze bereik
Tine is et eerste dat ie ziet in de dag
En et latste dat ie vastepakt vo dat ie goa maffn
Z'is de enigste woa dat ie an peist
Vierentwintig-zeven bluft ze binnen ze bereik
Tine is et eerste dat ie ziet in de dag
En et latste dat ie vastepakt vo dat ie goa maffn

D'eerste ki dat ie eur zag, wost ie nie hele overtuigd
Mor eur macht werd pas duidelijk bie meerder gebruik
Nico is verliefd up Tine, nis volledig bezeten
Nis verslaafd, nis gewend van veel geld an ze te spenderen
Mor oe langer oe meer, ist ie deur twijfels omringd
Der zien zest dagen dat ie nie bie Tine wilt zien
Mo das mo tijdelijk, vuf minuten loater ist gank
Ist de twijfel weg en zitten ze tegoare up de bank
Wa te chilln, lik vroeger, zen ol joaren e band
Daj nie azomo kut deurbreken dus bedoart ie ze angst
En redeneert ie niemi over de gevoaren ze kan
Em olles ofpakken, mo dat stoa mo loater gepland
Dus bluft ie bezig, elke dag in eur buurt
Ze wit de juste plekken te raken lik accupunctuur
Mor eur anwezigheid et ook ze gevolgen
Up ze conditie en ie et een hoeste die em lik mo bluft achtervolgen
Hij wordt deur klachten bedolvn, mo stik et up twa anders
Want et latste dat ie wilt is ze levenstijl moen verandern
In essentie is ze juste mor e blok an ze been
Mo ze zit in ze gedachten van ze kop toet ze tenen
Nico is verliefd up Tine, nis volledig bezeten
Nis verslaafd, ne ku niemi zoender eur in ze leven
Mo de liefde is nie wederzijds, nis verloren
Want in essentie is Tine in stoat voer em te vermoordn
En Tine et ook vriendinnen, dus peist ie stiekem
Voe te foefelen en misschien met twien anders twa te beginnen
Mo das meestal gin anvance
Achter 3 dagen zoender eur kriegt ie sowieso e nieuwe kanse
En dan, Ku Nico nie veel anders dan te zwichten
Want Tine bluft eur pijlen up ze zwakke plekken richten
Dus Nico, Nico bluft verliefd up Tine
Nis verliefd up de route ernotoe en up de routine

Z'is de enigste woa dat ie an peist
Vierentwintig-zeven bluft ze binnen ze bereik
Tine is et eerste dat ie ziet in de dag
En et latste dat ie vastepakrt vo dat ie goa maffn
Z'is de enigste woa dat ie an peist
Vierentwintig-zeven bluft ze binnen ze bereik
Tine is et eerste dat ie ziet in de dag
En et latste dat ie vastepakt vo dat ie goa maffn