Текст песни Chet T'Aggia Di' - Sergio Bruni

Stasera nun mm'hê ditto 'na parola
È overo ca te sì stancata 'e mme?
P' 'a strada tu cammine sola sola
E i' vengo comm' 'a 'n'ombra appriesso a tte
Che t'aggi' 'a dì, si 'n'ato ammore dint'a ll'uocchie tiene?
Che t'aggi' 'a dì, si nun mme pienze e nun mme vuò cchiù bbene?

Che t'aggi' 'a dì? 'O mmale ca mme faje
Tu stessa nun 'o ssaje
Ma 'o ssape chistu core ca more senza 'e tte!
'O primmo suonno, che malincunia!
'Stu suonno d'oro ll'hê distrutto tu
E famme 'n'atu ppoco cumpagnia
Chisà, dimane, si te veco cchiù!

Che t'aggi' 'a dì, si 'n'ato ammore dint'a ll'uocchie tiene?
Che t'aggi' 'a dì, si nun mme pienze e nun mme vuò cchiù bbene?
Che t'aggi' 'a dì? 'O mmale ca mme faje
Tu stessa nun 'o ssaje ma 'o ssape chistu core ca more senza 'e tte!