Текст песни Na sciurnata bona - Sud Sound Sytem

De fronte lu mare ca ruce e nu se ite
Percene lu sule nu ha bissutu ancora
Immaginu manca picca fazza giurnu percene
A retu l'Albania na parte dellu cielu è chiara
E chieu a ddrhu ete ca au a prima matina
La facce ancora nu picca durmisciuta
Me pare comu sia ca ete chieri sira
E invece n'auru giurnu a mie sta se bicina

Aruli de coste scivolanu li ricanuscu
Sulu percene essune fore de terra russa
Nuvole a ncielu none nu nci ne suntu
Quiddrha de osci ha bessire na sciurnata chiara
E tie a ddhru ete ca ai stamatina
Piji la base ca imu fatta chieri sira
E a mienzu l'aria ca la gente respira
Musica vera pe na sciurnata sana

Ca quandu na sciurnata è bona se ite gia' a prima matina
Ca ci te zicca la sciana si prontu cu affronti ogni problema
Sai ca la vita è una e be' sempre buenu cu se camina
E ci cu l'animu stae appustu te sicuru è cosa bona
Comu me piace la luce osce
Ae te quannu aggiu pierti l'ecchi ca m'ha fattu felice
Ce me piace sta luce osce
Tene nu culure forte ca me face sentire a mpace

La prima luce mo' ha bessuta
Ncigna pija voltu na sciurnata
La prima luce mo' ha bessuta
E a ddhra fore gia' l'aria s'ha scarfata
La prima luce mo' ha bessuta
E tanta gente sta besse te casa
La prima luce mo ha bessuta
E insieme a iddhra sta canzune ha nata

Sienti comu cangia na sciurnata
Quandu intra l'aria ncete musica vera
Sienti comu cangia na sciurnata
Quandu intra l'aria ncete musica bona

Ca quandu ca è bona è bona e quandu ca è fiacca fanne cu cangia
Cu tutta la forza ca tieni senza cu te pija la raggia
Ca iddhra sconza tuttu, ruina e nu porta mai nienti
Pigghiala bona puru osce e cerca cu bai a nanzi

Comu me piace la luce osce
Ae te quannu aggiu pierti l'ecchi ca m'ha fattu felice
Ce me piace sta luce osce
Tene nu culure forte ca me face sentire a mpace

Ca n'aura sciurnata ha lucesciuta per dare calore
Lu sule scioglie lu serienu allu salire
Frammenti te sogni tornanu a ncapu quannu me stau a azzare
Uniti cu li pensieri te la realta' ca stae a turnare
E lassa cu bene bona sta matina stau te sciana
Mo mpunnu subbra sta base ca te sicuru nu me abbandona
Intra li fiacchi momenti ca me riserva la vita
La sciurnata osce è bona famme sentire n'aura cosa

Sienti comu cangia na sciurnata
Quandu intra l'aria ncete musica vera
Sienti comu cangia na sciurnata
Quandu intra l'aria ncete musica bona

A sulu chiui te na fiata parlu a sulu sine sai
Mentre la strata secutu comu na riscia
Musica ceddhri la face ma a ncapu la tegnu
Me pare comu sia ca ete la mia
E tie ce bbete ca faci cra' matina
Nu bete per casu ca te sienti sta melodia
Ci l'ha criata sulu lu sule te la ticia
Iddhru sape ca stae a quai e sta ria

La prima luce mo' ha bessuta
Ncigna pija voltu na sciurnata
La prima luce mo' ha bessuta
E a ddhra fore gia' l'aria s'ha scarfata
La prima luce mo' ha bessuta
E tanta gente sta besse te casa
La prima luce mo ha bessuta
E insieme a iddhra sta canzune ha nata

Comu me piace la luce osce
Ae te quannu aggiu pierti l'ecchi ca m'ha fattu felice
Ce me piace la luce osce
Tene nu culure forte ca me face sentire a mpace
Comu me piace la luce osce
Ae te quannu aggiu pierti l'ecchi ca m'ha fattu felice
Ce me piace la luce osce
Tene nu culure forte ca me face sentire a mpace