Текст песни Januar - Acoustic Version - Svavar Knútur

Myrkrið gleypir allt
En undir snjó með rammri kaldri ró
Rumskar Janúar
Rymur hljótt og gyrðir sig í brók

Ýfða yglir brá
Augun pírð í átt að kaldri sól
"Þessi fjandi dugar skammt
Hún liggur flöt en skal á loft"

Ó Janúar, sem enginn ann
Hve dýrðlegt er þitt vanþakkláta starf?

Sólin rís með hægð
En bak við tjöldin böðlast janúar
Eins og rótari
Eða ruslakall á mánudagsmorgni

Ó Janúar, sem enginn ann
Hve dýrðlegt er þitt vanþakkláta starf?

Og eftir allt sem hann gaf
Janúar skríður aftur undir feld
Þar til skyldan kallar enn á ný
Eins og snævi þakinn Batman

Ó Janúar, sem enginn ann
Hve dýrðlegt er þitt vanþakkláta starf?

Ég sé þig Janúar, ég man þig Janúar

Sólin rís með hægð, í Janúar
Myrkrið gleypir allt, í Janúar
Eins og snævi þakinn Batman