Statte vicino a 'mme

Statte vicino a 'mme pe' n'ata sera
Tu nun 'o ppuò' sape' comme si' cara

Suspìrame abbracciata comm'a 'na vota, "Si 'a vita mia"
Si pure è 'na buscìa, vale 'na verità

Accarezzame comm' 'o cielo accarezza 'a luna
Accarezzame comm' 'o mare accarezza 'a rena
Famme addurmì

Comme te ll'aggi' 'a dì, "Te voglio bene"
Comme te ll'aggi' 'a dì, "Nun mme lassà"
'O penziero ca perdo a te, comme fa paura
Statte vicino a me pe' n'ata sera