Текст песни Kurumitto - The Gypsies

පාවෙන පීරිසියක් උඩ නැගලා
පිටසක්වලකින් මෙහාට බැහැලා
ආවේ කුමටද ඇත්තට ඔහෙලා?
කුරුමිට්ටෝ

අපි නම් නෑ කවදාවත් දැකලා
පුදුමත් හිතෙනවා දැක්කම ඔහෙලා
පොඩ්ඩක් බලමුද වතගොත අහලා
කුරුමිට්ටෝ

කොයි දේසේ ඉඳලද එන්නේ?
(අඟහරු ලෝකෙන් අපි එන්නේ)
මෙහාට ආවේ කුමකටද?
(අපි මෙහෙ ආවට අකමැතිද?)

ඔය තරමට මිටි මොකද හලෝ?
(මිටි වුණාට අපි රජ කොල්ලෝ)
තනි කකුලෙන් හිටගත්තැකිද?
(හහ්, ඔලුවෙන් හිටගෙන පෙන්නමු ද?)

පාවෙන පීරිසියක් උඩ නැගලා
පිටසක්වලකින් මෙහාට බැහැලා
ආවේ කුමටද ඇත්තට ඔහෙලා?
කුරුමිට්ටෝ

අපි නම් නෑ කවදාවත් දැකලා
පුදුමත් හිතෙනවා දැක්කම ඔහෙලා
බලමුද පොඩ්ඩක් වතගොත අහලා
කුරුමිට්ටෝ

(අහන්න, අහන්න ඕන දෙයක්)

කලාවෙ තිබෙයිද නව පෙරළි?
(අපේ ලොවේ නෑ බෙලි කැපිලි)
නළු නිළියන් කොහොමද මල්ලි?
(එහේ නෑ ඇවිදින ඇටසැකිලි)
නැටුම් ගැයුම් එහෙ තියෙනවද?
(ඔහෙලට වගේ අපටත් බැරිද?)
එහෙනම් ගීයක් කියනවද?
(අනේ, කියමු කියමු ඕවත් වැඩද?)

දවසට පැය කීයක් වැඩද?
(අටයි, හැබැයි ඒ අටම වැඩ)
වර්ජන, තර්ජන එහෙ නැද්ද?
(අපේ නෑ බොරු ගෙරවිලි සද්ද)
ගැහැණුන් හට එහි සම තැනද?
(එයාලා දන්නවා නියම තැන)

කැමති නැද්ද මෙහි නවතින්න?
(සුදුස්සාට නෑ සුදුසු තැන)
වැඩිදුර විස්තර අහන්නේ නෑ
(ඇහුවොත් නොකියා යන්නෙත් නෑ)
දැන්මම යන්න දෙන්න බැරියෝ
("පිස්සුද" අපි යනවා චෙරියෝ)
චෙරියෝ, චෙරියෝ