Текст песни Grossstadt - Tinu Heiniger

Si wohne i de Hüser
I de Blöck, uf de Stöck
Hei's schön uf Balkön
Gö ga bügle, müesse zügle
Zieh y, zieh us
Gö furt, chöme hei
U läbe vo Samschti
Zu Samschti, will denn hei si frei

U alli hei si Müler
U hei Ohre u hei Nase
Teil Zäng so wie Hase
U hei wyssi u graui
U roti ü blaui
Haar, teil hei e Glatze
Teil Ouge wie Chatze
U eini het dür d'Zunge e Ring

U si loufe dür d'Strasse
U stogle dür d'Gasse
U vogle deheime
U mängisch süsch nöime
Hei sich gärn u si hasse
Sich, warte bir Kasse
U ds Frölein seit grüezi
Tippt d'Güezi, das macht siebefüfzg

Und ou i bi. so eine
U wär mängisch lieber keine
Und ou du bisch so eine wie ni
U wettsch mängisch lieber keine sy

U si rede u si lache
Uf de Barstüehl i de Beize
U si trinke u si winke
Am Frölein, e Stange!
U si rouke, si verhange
Diese lallet afange
U äine schlat dry
Dä gheie si hochkant
Uf d'Strass

Viel läbe allel
Hei e Vogu, hei e Hung
Dä bruucht täglech e Stung
Hei e Fisch, hei e Chatz
U ne Pflanze, u ne Schatz
U villicht hei si kene
Wüll si gar kene wei
U läbe so guet wie si chöi

Teil deale, teil chlaue
U teil mache Blaue
U gö när zum Arzt
U dä büglet schwarz
U teil bräche y
U när wieder us
U teil wyst me y
Teil blibe,
U teil wyst me us

Und ou i bi so eine
U wär mängisch lieber keine
Und ou du bisch so eine wie ni
U wettsch mängisch lieber keine sy
Alli lose Radio
Alli luege Fernseh
Alli gö i Chino
U dert hei si Fernweh
U paar gö a Schuttmätsch
U möögge när schiess doch
Jetz schiess doch, nid so
Gopferdammi, isch das jetz es Arschloch

Teil garne deheime
Teil surfe, si dörfe
Teil kiffe, teil sniffe
Teil sprütze u fixe
Teil sitze bim wixe
U teil frässe Pille
Me sött se gloub stille
A d'Bruscht nä bis churz nach der Lehr

U si hetze ü si juile
U si pickle u si schufle
U si seckle ü si schwitze
U so sitze si jetze
Im Bus u im Tram
Dert si d'Leitige gleit
Gleis u d'Weiche verleit
U we eine verseit tuets is leid

Und ou i bi so eine
U wär mängisch lieber keine
Und ou du bisch so eine wie ni
U wettsch mängisch lieber keine sy

U si loufe dür d'Strasse
U stogle dür d'Gasse
Mit Ohre u Nase
Mit Zäng so wie Hase
U si loufe u loufe
U choufe u choufe
U si luege uf d'Uhr

U si spät u si suur
U si luege uf d'Zahle
U hei Fröid ü si strahle
U si pflüege dür ds Läbe
U i chönnt ne eis chläbe

Ja, mir pflüege dür ds Läbe
Vil1echt sötte mir enanger chli meh häbe
Ja, mir pflüege dür ds Läbe
Villecht sötte mir enanger chli meh häbe

Nume äbe
Nume äbe