Текст песни Hugo Koblet und Fritz Schär - Tinu Heiniger

I bi der schön, schlank Hugo Koblet gsy
U du, my Brüetsch, der chly Fritz Schär
U der Nachbargieu der Carlo Clerici
U we dä nid mau furchtbar überfloge wär
De hättsch üses "Quer dür ds Dorf" o denn nid gwunne!

Der Koblet het es Cilo gha
Ig sones auts, graus Schysvelo
Der Schär es schöns, blaus Mondia
U du, my Brütsch, ja, hueresiech, du äbe o!
Läck, het dy Länker aube glänzt ir Sunne!

Won i när o i d'Sek bi cho
Hei si o mir es Velo gschänkt
Nei! nid so eis! Das isch ja keis Cilo!
Oh, hätti denn dä Göppu doch grad irgendwo versänkt!
Z' nacht han i grännet u a Hogu Koblet dänkt!

My Hugo, oh, dä het sech ds Läbe gno
Ou! het mi das denn preicht!
Dy Fritz, dä lachet immer no
Dert ungrem Sattu, liecht vergilbt, verseicht!
I fahre Cilo hütt! U du? Hesch du dys Mondia verschänkt?

(Das Publikum am Ziel ...)
(Es kommt ein Fahrer in Sicht)
(Es scheint Schär zu sein)
(Jawohl, der kleine Fritz Schär, spurtet daher)
(Es ist ihm gelungen die Verfolger zu distanzieren)
(Und jetzt spurtet er übers Band)
(Bravo Schär, bravo Schär)
(Schär hat die Meisterschaft von ... gewonnen)
(Zum dritten Mal in seiner Karriere ...)
(Gewissermassen wie sein Club-Kamerad Hans Born bei den Amateuren)
(Drei Rennen hintereinander gewonnen)