Текст песни Stärne - Tinu Heiniger

I luege d'Stärne, wo vo wythär schyne
Teil si am ga u anger si am cho
Teil zieh mi a, e zytlang blib i bi ne
U Stärne, wo mir z'nach wei cho, gits o

Teil Stärne wett i nächer lehre kenne
U wär weiss, sie mi viellecht o
Die, wo vom glyche Füür si, brönne
U kenne sich sit tuusige vo Jahre scho

I bi der letscht vo aune Kosmonaute
Der Gagarin, wo a der Miuchstrass wohnt
I kenne d'Venus, ihri Höger, ihri Faute
Bi ihre Abestärn u ihre Ma im Mond

Gäll, du un i, mir si Planete
U kreise lang scho um dä glych aut Stärn
Für di cho z'bsueche han i e Ragete
U du e Landeplatz, i ha di gärn

Für di cho z'bsueche han i e Ragete
U du e Landeplatz