Oafocha Loda

De Luft, so eisig und koid, beißn duats scho recht an da Haut
De weiße Deckn, de schofft wenkal a Liacht in da laren ewigen Nocht
Da Wind streicht stad durchn Woid und da Neischnee liegt auf de Bam
Do heast an Loda wiara schnauft, eigmocht im Rock
An Huat hoda auf, de Fiaß sinkn tiaf
Bis zu de Knia, gonz longsom steiga daher
I bin jo nur a oafocha Loda,
Der herumwondat und noch ana Kloaheit suacht
I bin jo nur a oafocha Loda,
Plog mi oh in dera ohglengnen Oaschicht
Wo's mi hitrogn wead is ma ned kloa
Owa gspian dua i wias oiwei mehr und mehr
Vinsta wiad, zuaziagt
Woiknschwadn üwaroi
Ois wiad niedagwoizt
Im Himmi und im Toi
De Haxn wean oiwei schwara
Zompden mua i do durch