Mo Sienteme

E' vote nun saje comme me sent
A tutto chest cerco nu sens
Penso ca a demenza ca ha pigliat' ò sopravvent
Nguoll a sti cristian ngopp e scherm, assent
E vire miezz a via semp cu e facce sorrident
Nu sacco e loro indossano na maschera, è evident
E puntualment cu sta falsità me guardo semp aret
Nisciun chiù che parla, è sofferenz sò segrete
C'a bascio se resiste e nun tenimm ò cor'e pret
Ma chesta popolazione, dimme quand'è ca se scet
Accumulo sti sbagli, è nu bagaglio d'esperienz
O' bene re persone tene na dat e scadenza
Chi lecca ò culo sulo appena tien e conoscenz
Allora ò faccio pe me, nun dong aurienz'e concorrenz
Pure sì vac n'freva pecche saccio quanto valgo
Ngopp'ò palco adrenalina, miezz'a via cammin
Cu e disagi d'ogni cittadin

Mo sienteme a me... mo sienteme a me
Te faccio vulà cu è rime, senza carè
Miezz'a chisti pezzient ca se sentono re
Mo sienteme a me... mo sienteme a me
Racconto chello ca nun vuless maje verè
Ma nun me ponn fermà, nun me ponno mantenè
Mo sienteme a me... mo sienteme a me
Mo sienteme a me... mo sienteme a me

E' comme sì nun ce ne stessen opportunità
Mill pensier ca te stressano, po capità
Viaggiann rint'a brutti fatt
Scattano sti flashback
Ma quand fernescen sti paranoie
Chi fuma pe cumbattere ogni tant'a noia
Scengo ra copp pe scagnà doje parole
Solo ca stu discorso nun ce ò ricurdamm
Perd ò filo, po accummencia a famm
Ropp cunsumat natu gramm
E chiammace comme vuò tu
Simme guagliun e strada
Comme ce tien a bada
Sì nun cia facimm chiù
Vuje che site eremit e nun capit e fras
Nun facit e parassit, ascit a rint e cas
Casin ca nun può evità
Matin ca nun te vuò scetà
Riciteme che teng a dimostrà
Dint'a chesta realtà ca po te sfrutt sultant
Tire annanz pe campà ma è na fatica costant
Tra bucìe e politicant

Mo sienteme a me... mo sienteme a me
Te faccio vulà cu è rime, senza carè
Miezz'a chisti pezzient ca se sentono re
Mo sienteme a me... mo sienteme a me
Racconto chello ca nun vuless maje verè
Ma nun me ponn fermà, nun me ponno mantenè
Mo sienteme a me... mo sienteme a me
Mo sienteme a me... mo sienteme a me

O' munno sott'e ngopp, troppi cattiverie
E cuorpe re criature sott'a sti macerie
Chi dint'e vene tene ò friddo ra siberia
Chille ca stanno buono chiagneno miseria
Mo sto aspettann ancora nata chance, na speranz
Pe te forse nun ha importanz chello ca te sto dicenn
Forse ò burdello ngapa che tengo me sta accerenn
Ma luntano da ca ce sta chi over sta suffrenn
E per di piu l'umanità che sta cagnann
Sta sbagliann a viver e cazzimm
Nun veco chiù sincerità, me sto rannann
Realizzann nient'è comm'e primm
Dimme comme facimm a ce piglià chello ca è ò nuost
Sì ò cost d'ogni cosa te fa sempe ò buco mpietto
E nun accetto ca ce pigliano pe marionette
Manovrat a sti tirann ca ce stann governann
Stamm scuntann ò post loro tutt sti cundann

Mo sienteme a me... mo sienteme a me
Te faccio vulà cu è rime, senza carè
Miezz'a chisti pezzient ca se sentono re
Mo sienteme a me... mo sienteme a me
Racconto chello ca nun vuless maje verè
Ma nun me ponn fermà, nun me ponno mantenè
Mo sienteme a me... mo sienteme a me
Mo sienteme a me... mo sienteme a me