Hagar

يلي حڤرتوا بارشا ناس
خوذوا هالكلمات دليل
الله وحدو فوڤ الناس
والحڤار يموت ذليل

كان إنتي حڤار جديد
وعندك في الحڤره شهرين
أحنا هالحڤره حڤرناها
وبطلناها لينا سنين
موش باش تحكم كي فرعون
ولاك باش تكسب كي قارون
فيڤ لروحك يا مجنون
عندي معاك حديث طويل
الحڤار يموت ذليل

يا ناس إنشاء الله لاباس
آش اللي في الدنيا جرى
كان سمعتوا سيد الناس
آش اللي عالكبر حكى
الكبر ثنيه للنار
وكان ربي وحدو الكبير
اللي يتواضع يكبار
واللي يحڤر ديما صغير
إلبس كول تفرهد عيش
ونعمة ربي ما تخبيش
لكن أمرو ما تعصيش
أقرا وأعمل بالتنزيل
الحڤار يموت ذليل

ناري على بنادم يا نار
آش اللي يستنى فيه
يا ويل العبد الحڤار
مالشي اللي يعمل فيه
ما يردش عالناس سلام
كي تسلم لعباد عليه
الحڤره عندو كي غرام
وهاذا اللي يتفوخر بيه
كذب وفخره ونفخة وفيس
عايش كيما يحب بليس
لكن مهما يعلى رخيص
ما عندو للجنة سبيل
الحڤار يموت ذليل