Текст песни Yerevans - Тата Симонян

Թե հուշերից քաղաք հյուսեմ
Հյուսեմ թելով երազներիս
Թե օրորվեմ քամիներից
Վաղուց անցած հին օրերիս
Թե փողցից փողոց անցնեմ
Մտնեմ երգով սարքած այգիս
Կամ էլ մեր տուն գնամ ու դուրս նայեմ
Քեզ կտեսնեմ պատուհանից

Երևանս, Երևանս
Անգին քարս, անգին քարե վարդս
Երևանս, Երևանս, Երևանս...

Ինչքան ասես թափառել եմ
Երկնքիդ տակ, Երևանս

Եթե կյանքի ճամփաներով
Ես հեռանամ իմ քաղաքից
Եթե օտար քամին տանի
Ինձ հարազատ իմ ափերից
Եթե սուզվեմ օտար նավով
Ալիքներում օտար ծովի
Հետ պիտի գամ թեկուզ անցած դարից
Ես կարոտից իմ քաղաքի

Երևանս, Երևանս
Անցած սերս, անցած սիրո երգս
Երևանս, Երևանս, Երևանս...

Անդարձ կորավ մանկությունս
Քո թաղերում Երևանս․․․

Թող քո լույսը որպես փարոս
Լինի կանչող, լինի անմար
Թող որ հերոս զավակներդ
Փարոս դառնան հենց քեզ համար
Թող ինձ նման սիրահարվեն
Հավետ մնան խենթ սիրահար
Պատուհանից նայեն ու քեզ տեսնեն
Եվ աղոթեն բախտիդ համար

Երևանս, Երևանս
Դարերի մեջ կորած դարե զարդս
Երևանս, Երևանս, Երևանս...
Որքան հույսի մոմ եմ վառել
Խաչքարերիդ, Երևանս