Lyrics Winter - Laurika Rauch

Die wêreld word weer deinserig
Die son se ronde-rooi-lemoen
Is afgeskil, skyn wit-oranjerig
Deur die gekaasdoekte seisoen

Die berge lê gebalsem, rug-aan-rug
Soos reuse dwerge, boggelrig gekis,
Bome bedien met skemer stug
Soos monnike die romerige mis

Alles word geheilig, kom tot rus
Die weerhaan op die kerktoring
Skrop nes, die sterre word geblus

Iewers aan die verste kus
Maak God in sy vakansiewoning
Die gordyne dig, gaan slaap gerus

Alles word geheilig, kom tot rus
Die weerhaan op die kerktoring
Skrop nes, die sterre word geblus

Iewers aan die verste kus
Maak God in sy vakansiewoning
Die gordyne dig, gaan slaap gerus
Gaan slaap gerus