Lyrics Kişilər - Vüqar Əbdülov

Ey, Bakının tazənöv cavanları
Bağın, şəhərin əvvəlki dövranları
Biz yığışan köhnə tin, dalanları
Tikdiyimiz mərtəbə, eyvanları
Niyə dağıdıb, qıra-qıra qalmısız siz?
Niyə dağıdıb, qıra-qıra qalmısız siz?
Tikib, qurmaq gəlməyir əlinizdən
Ancaq plan qura-qura qalmısız siz
Ancaq plan qura-qura qalmısız siz

Ey, bizim Bakının köhnə kişiləri
Zəmanənin bu cürdür vərdişləri
Siz bilməzsiniz müasir işləri
Yaşlıların elə bu vərdişləri
Köhnədən dən vura-vura qalmısız siz
Köhnədən dən vura-vura qalmısız siz
Cavanların işini bəyənmirsiz
Belə görünür, axıra qalmısız siz
Belə görünür, axıra qalmısız siz

Yaşlı nəsil başa sala bilmir sizi
Siz seçə bilmirsiz əyridən düzü
Heç adamın deməyi də gəlmir, üzü
Gündə salıb yanınıza bir cüt qızı
Tin, dalanda dura-dura qalmısız siz
Tin, dalanda dura-dura qalmısız siz
Geyiminiz də gödəkləşibdir sanki
Əyninizi cıra-cıra qalmısız siz
Əyninizi cıra-cıra qalmısız siz

Nə olsun ki, indi yaşa dolmusuz?
Bir vaxt olub siz də cavan olmusuz
Biz çalan zurnanı, siz də çalmısız
Diş tökülüb, çarəsizmi qalmısız?
Hey baxaraq ora-bura qalmısız siz
Hey baxaraq ora-bura qalmısız siz
İndi baxan yoxdu, yəqin, üzünüzə
Boynunuzu bura-bura qalmısız siz
Boynunuzu bura-bura qalmısız siz

Hər sözə o saat tapırsız cavab
Siz düşünən kimi deyil haqq-hesab
Bilmirsiz nədir günah, nədir savab
Oxumamısız ömrünüzdə bir kitab
Dəyməmisiz, hələ qora qalmısız siz
Dəyməmisiz, hələ qora qalmısız siz
Oxumamışdan alim olub, çıxmısız
Nazir olub hazıra qalmısız siz
Nazir olub hazıra qalmısız siz

İndi kosmos, indi raket dövrüdür
Kompüter, internet dövrüdür
Siz deyənsə, köhnə sovet dövrüdür
Lap mezozoy, lap neolit dövrüdür
O dövrandan ara-sıra qalmısız siz
O dövrandan ara-sıra qalmısız siz
Sizin yaşda meşədə ağac qalmayıb
Üç-dörd nəfər gücə-zora qalmısız siz
Üç-dörd nəfər gücə-zora qalmısız siz

Bəyənmirsiz nə üzlə keçmiş çağı?
Ərzağınızdan pis idi ərzağı
Var canımızda Nikolayın yağı
Siz tapa bilmirsiz adi cızdağı
Yemək yoxdu, şitə-şora qalmısız siz
Yemək yoxdu, şitə-şora qalmısız siz
Ac toyuqtək yuxuda darı görürsüz
Barmağınızı sovura-sovura qalmısız siz
Barmağınızı sovura-sovura qalmısız siz

Bizə bu olan əksi qədər də xoşdur
Mədəmizi salqsaq da dərdə, xoşdur
Qamburger də xoşdu, dönər də xoşdu
Havada olan tüstü, zəhər də xoşdu
Bu tüstünü yara-yara qalmısız siz
Bu tüstünü yara-yara qalmısız siz
Biz bu yeməyə, bu havaya öyrəşmişik
Nə özünüzü yora-yora qalmısız siz?
Nə özünüzü yora-yora qalmısız siz?
Biz bu yeməyə, bu havaya öyrəşmişik
Nə özünüzü yora-yora qalmısız siz?
Nə özünüzü yora-yora qalmısız siz?
Biz bu yeməyə, bu havaya öyrəşmişik
Nə özünüzü yora-yora qalmısız siz?
Nə özünüzü yora-yora qalmısız siz?
Nə özünüzü yora-yora qalmısız siz?