Songtexte Leila - Labess

صيف جاز رولو الخريف دخل
بلا مانمرڨولو
زواوش كامل هجرو
و دراري صغار للمسيد عاودو دخلو
شمس ولات
مع الخمسة تهرب تجري
و الورق من الشجر صفافرو بداو يطيحوا
البرودة دخلت
وقت الفيستة فوق التريكو
خلاص صيف مشا فحالو و دا معاه اياماتو
و انا فكل عام
في داك الوقت ندير كرسي
قهوة و ڨارو
و رايح غايس مع راسي
كل يوم عاود سمع كمال مسعودي
الله يرحمك
عييت مانسقسي
فراسي ماتش فووت بلي بينالتي
كيفاش جا نهار وين قدرتي تكرهيني
اااااا شفاي دوك ليام
انت و انا وڨيثارتي
شربنا ماء الزهر
و الورود هما شاهدين
القمر شفناه
كل ليلة سلمنا عليه
و كل ليلة حكينا لو على البهجة الدزاير
القمر شفناه
كل ليلة سلمنا عليه
و كل ليلة حكينا لو على البهجة الدزاير
اليوم عاود شفت
عيني غايسين فدوك ليام
عمري انا ضنيت نحكيليهم فالماضي
اااااه شفتك قاعدة
و التبسيمة في وجهي
خدودك بالنور طفيتي ڨاع الظلام
جات النسمة فشت النهار و امواج البحر
سلبت ريحتك و داتلها بلاسا في قلبي
جات النسمة فشت النهار و امواج البحر
سلبت ريحتك و داتلها بلاسا في قلبي.

مع تحياتي مالدزاير الكبيرة.