Songtexte Storija O Tovaru I Tezaku - Mjesni Odbor

Pasalo je vrime kad si na škini nosi brime
Šešicon te tuka težak dok klea ti ime
A nisi šempja ne bi ni ja toliko piza nosit tia
Da san iz sića vode pia i samo travu i'a

A isto suza zapne u oku kad te se čovik siti
Danas dogna si dvi bije sutra restu apetiti
Sić vode bokun trave ma uvik ista spiza
Od prvinja do nedije nosiš uvik ništo uvik više piza

Ne bi te o moj tovare
Proda za nikakve pare
Ne bi te o moj tovare
Proda za nikakve pare

Nego ča ti oću reć i težaka triba svatit
On je grintav oće leć pa te zato voli mlatit
Šporak, umoran iz poja ma oće doma doć
Samo ronca niga voja janjci priko sela proć

Kad ispruži on na posteju tilo ča je crklo
Zadnjin pokreton kažije vidi vanka već se smrklo
Viruj tebi je teško, a njemu još i teže
Kad te čuje di zareveš pod ponistru kad te vežen

Kako pismu završajen pomalo me vata smih
Evo, još samo bokun još samo koji stih
Neka ne bude ovo pisma, neka bude štorija neka
Ča ispriča je redikul od negdi iz daleka

Ni radnje ni refrena ova štorija ništa nima
Pa vam fala na strpljenju od srca, fala svima
Ova štorija u biti more rečeničnih rima
U kojoj je prava poanta svoj smisal izgubila

Ne bi te o moj tovare
Proda za nikakve pare
Ne bi te o moj tovare
Proda za nikakve pare