Songtexte Žalost I Nevoja - Mjesni Odbor

Dozrila je smokva, cidi se mlič
Doli si na rivi, a ne mogu ti prič
Jemaš duge vlasi i lipe oči
Obasjavaš mi put ka zvizda u noći
Ti krajica si moja, Teuta ilirska
U srcu mi je škoj, a daleko je Irska
Narančasti vlasi, duše zelene
Ne mogu bez tebe jer duša mi vene
Jer duša mi vene

Šotobraco priko škoja
Gredu žalost i nevoja
Ča će meni jubav tvoja
Kad ti više nisi moja

Od onega dana kad napustila si škoj
Uvatila me smanta, ja više nisan svoj
Sad cili san u tuzi, sidin na škrapi
Sunce me grije, iz mene vino hlapi
Al' voli san sve ča na tebi je bilo
Provodi san sa tebon lito cilo
Moli san Boga da zaboravin na te
A ruke moje još uvik za tebon pate
A ruke moje za tebon pate

Šotobraco priko škoja
Gredu žalost i nevoja
Ča će meni jubav tvoja
Kad ti više nisi moja