Songtexte Ma Samjhanthe - Om Bikram Bista

म सम्झन्थेँ, मलाई मात्रै हो कि प्रीति बिझाएको
तिम्रै पनि उही कथा, व्यथा आखिर, उस्तै सुन्छु
तितामीठा सारासारा कुराहरू भुल्न मेरी मायालु
साह्रो रैछ प्रीति कथा, हो, भुल्न मेरी मायालु

मेरो लागि तिम्रो दिलमा दिल अड्ने जग्गै, जग्गै भएन
तिम्रो लागि मूर्ति बनेँ, सास फेर्ने मानिस, मानिसै होइन
ढिला भई गो फेरि तिम्रो छेउमा, अब के बस्नु भन्दा
भलो सम्झी वेगै मारेँ, के भूल यसमा भन है, भन, मायालु
साह्रो रैछ प्रीति कथा, हो, भुल्न मेरी मायालु

मैले पनि तिमीलाई उस्तै सम्झी माया, माया गरेथेँ
तिम्रा लागि कति बाधा, कति अड्चन पर, पर सारेथेँ
मेरो पनि मुटु नै हो, बिछोडिँदा दुख्ने नै भो
शीतल खोज्दै डुली हिँडेँ, के भूल मेरो भन है, भन, मायालु
साह्रो रैछ प्रीति कथा, हो, भुल्न मेरी मायालु

भुल्न मेरी मायालु
भुल्न मेरी मायालु