Songtexte Kon kuradi kotsil ma elä? - Tankist

Egä päävägä inämb ja inämb
Üts küsümüs kumisõs pään
Mis kuradi kotsil ma elä
Ja mille mul tan olõ-õi hää

Ku hingi päält satas är värät
Ja nõnna lüü läpänü luht
Kas nõrgõmba kolisse ärä
Vai olõ-õi nõrga' nä joht

Om niimuudu trehvänü kuigi
Et esäde avvul om ots

Kurb om sjoo laul
Olõ-i trüüsti tan seen
Kon kuradi kotsil ma elä
Ja midä ma edesi tii

Ku joogis om vällämaa mõdo
Ja tsimmanil import om laul
Peät sõdima võõridõ sõtu
Ja võõridõ katõt om laud

Ku au sisse nõsõsõ suli'
Sõs midä sa, ausakõ, tiit
Ku ütenkuun tõisiga tullit
A saisma jäit võlss poolõ tiid

Om niimuudu trehvänü kuigi
Et häonu om imädõ huul
Kurb om sjoo laul
Olõ-i trüüsti tan seen
Kon kuradi kotsil ma elä
Ja midä ma edesi tii

Kas avitas vikat vai rihä
Vai kuuliprits, tiiä-õi ma
Sa ummõtõ elät ja elät
Ja ummõtõ eletü saat

Om kuigina trehvanu, inämb
Sa vakka joht olla ei saa

Kurb om sjoo laul
A no trüüsti om seen
Tan kuradi kotsil ma elä
Ja kül ma ta kõrda viil tii