Songtexte Abelied - Tinu Heiniger

D Schaaf grase i der Matte
Ir Stube lauft e Platte
Der Bireboum blüet wyss
I hocke vor em Huus

Scho gly geit d'Sunne ache
Vo wyt ghörsch Ching lut lache
Jetz rüeft e Frau: "Antonio!"
Zum Fäischter uus

Der Nachber lüpft der Huet
"Wie geits?" I säge: "Guet"
Der Zwänzgabsächsizug
Fahrt ds Tal z'düruus

Der Tag geit langsam z'Änd
Ir Stube spielt e Band
D'Chatz nimmt ufzmal e Satz
D'Armee flügt über ds Huus!

I hocke vor der Türe
U i lise d'Zitig düre
Ds Bärn inn geit ds Volk uf d'Strass
D'Stadt schmöckt nach Gift und Gas

U d Verzwyflig geit dür d'Gasse
Wär Angscht het fat a hasse
Paar Büetzer flicke bi der Bank
Ds Schoufäischterglas

Jetz rüefe alli uus
U ig, i ha der 'Blues'
Der Wald steit schwarz u schwygt
U gly stirbt hie o ds Gras

Der Tag geit langsam z'Änd
Mir gä enanger d'Händ
Für chönne z'gränne bruche mir
Kes Tränegas!