Songtexte Längizyti - Tinu Heiniger

Mängisch hani längi Längizyti
U de hock i müed hie a mim Tisch
Luege ds Tal z'dürus, ir wyte Wyti
Gspüren i die ängi Ängi
Wo z'mitts i mir inne isch

I muess gränne, wenn i a di däiche
I weiss, mängisch z'nacht im Bett tuesch o
I weiss, i sött mi nid so a di häiche
Aber weisch, gäu, du versteisch mi
Weisch, du fäusch mir äbe so!

Mängs verstahn i nid, doch öppis weiss i
Häbe cha di, we di cha la ga
U mir Angscht hie, ohni di allei z'sy
Mire Angscht hie gib i d Hang
De cha sie mi verlah

De cha sie mi verlah

Mängisch hani längi Längizyti
U de hocki müed hie a mim Tisch
Luege ds Tal z'dürus u la die Wyti
Vo däm Tal z'mitts i mi yche
Gseh mi dert, weiss, wo du bisch!