Songtexte Aut - Tinu Heiniger

O we de no so gsung hie läbsch
O we di no so dranne häbsch
O we de no so dranne chläbsch
Du weisch, dass d'hie nid überläbsch

S'geit alls so schnäu u d'Zit u d'Fäu
Schwümme dervo u chuum bisch cho
U chuum bisch hie, isch alles scho verby
Isch alles o scho gsy

S'isch Winter hie, es schneit
U s'geit e chaute Luft, die ganzi Zit
U ob der Schnee nomau vergeit
U ob der Winter nomau geit

U ob der Früehlig nomau chunnt
U ob der Mond, so vou u rund
No mängisch geit, no mängisch chunnt
Wie lang, dass di u mi no git
Wie lang mir gsung, wie schnäu mir chrank
I säge nume: "Gottseidank
I weiss es nid"

O we de no so gsung hie läbsch
O we di no so dranne häbsch
O we de no so dranne chläbsch
Du weisch, dass d'hie nid überläbsch

S'geit alls so schnäu u d'Zit u d'Fäu
Schwümme dervo u chuum bisch cho
U chuum bisch hie, isch alles scho verby
Isch alles o scho gsy

Im Bahnhof, dert, wo ni jetz bi
Dert, wo mir einisch aui sy
I dere fyschtre Zone dert
Wo nume der Nacht-Express verchehrt

Dert fragi, wenn der nächscht Zug geit
Ha Goffere packt u bi bereit
Für mini letschti längi Reis
Der Zug steit scho abfahrtbereit
Wyt hinger uf em Stumpegleis
Da isch alles, wo ni gseh
U isch alles, wo ni weiss

O we de no so gsung hie läbsch
O we di no so dranne häbsch
O we de no so dranne chläbsch
Du weisch, dass d'hie nid überläbsch

S'geit alls so schnäu u d'Zit u d'Fäu
Schwümme dervo u chuum bisch cho
U chuum bisch hie, isch alles scho verby
Isch alles o scho gsy